४९ जनाको ज्यान जाने गरी भएको गोलीकाण्डका मुख्य संदिग्धलाई अदालतमा उपस्थित गराइयो

चैत २, २०७५ शनिबार ७:२२:५९ | एजेन्सी

न्यूजिल्याण्डका दुइटा मस्जिदमा ४९ जनाको ज्यान जाने गरी भएको गोलीकाण्डका मुख्य संदिग्धलाई अदालतमा पेश गरिएको छ ।

शुक्रबार भएको आक्रमणका मुख्य संदिग्ध २८ वर्षीय अष्ट्रेलियन नागरिक ब्रेन्टन ट्यारेन्टलाई अदालतसमक्ष पेश गरिएको हो ।

न्यूजिल्याण्डकी प्रधानमन्त्री जेसिन्डा आर्डनका अनुसार ट्यारेन्टसँग पाँच वटा लाइसेन्सप्राप्त बन्दुक थिए । आक्रमणपछि प्रधानमन्त्री आर्डन भन्छिन्, ‘हाम्रो हतियार राख्नेसम्बन्धी कानुन परिवर्तन हुन्छ ।’

न्यूजिल्याण्डकी प्रधानमन्त्री जेसिन्डा आर्डन घटनाका बारेमा जानकारी दिँदै

घटनामा संलग्न भएको आरोपमा अन्य दुई जनालाई पनि गिरफ्तार गरिएको छ । तर उनीहरुको कुनै आपराधिक रेकर्ड नभएको त्यहाँको प्रहरीले जनाएको छ । ट्यारेन्टलाई हिरासतमै राखिनेछ र अप्रिल ५ मा पुनः अदालतमा उपस्थित गराइनेछ ।

सन् १९८० को दशकमा अफगानिस्तानबाट न्यूजिल्याण्ड आएका ७१ वर्षीय दाउद नाबीको घटनामा ज्यान गएको उनको परिवारले जनाएको छ । घटनामा परि ज्यान गुमाउनेहरु सबैको भने पहिचान भैसकेको छैन ।

बंगलादेश, भारत, इन्डोनेसियालगायतका देशले आफ्ना केही नागरिक मारिएको बताए पनि पूर्ण रुपमा जानकारी आइसकेको छैन ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्