कपिलवस्तुका बुद्धकालीन पुरातात्विक क्षेत्रको संरक्षण र विकासमा प्रदेश सरकारको विशेष चासो

चैत २, २०७५ शनिबार १७:४०:२ | गोपाल भण्डारी

कपिलवस्तु – प्राचीन कपिलवस्तुका बुद्धकालीन पुरातात्विक क्षेत्रहरुको संरक्षण र विकासका लागि प्रदेश सरकारको विशेष चासो रहेको मुख्यमन्त्री शंकर पोखरेलले बताउनुभयो ।

मुख्यमन्त्री पोखरेलले शनिबार कपिलवस्तु जिल्लाका पुरातात्विक स्थलहरुको अवलोकन गर्ने क्रममा सञ्चारकर्मीहरुसामु संक्षिप्त प्रतिक्रिया दिँदै प्राचीन कपिलवस्तु क्षेत्र प्रदेश ५ को प्रमुख पर्यटकीय गन्तव्य बन्नसक्ने र यसका लागि प्रदेश सरकारले विशेष नीति तथा कार्यक्रम अघि सारेको बताउनु भएको हो ।
त्यस अवसरमा मुख्यमन्त्री पोखरेलले शाक्यमुनि बुद्धले ज्ञान प्राप्त गरेपछि पहिलो पटक आफ्ना माता पितालाई भेट गरेको स्थान कुदान, क्रक्छन्द बुद्धको जन्मस्थल गोटिहवा, नेपालकै ठूलो शिवलिंग रहेको ताम्रेश्वर महादेवको मन्दिर लगायतका पुरातात्विक तथा धार्मिक स्थलहरुको अवलोकन गर्नुभएको थियो ।

चालु आर्थिक वर्षमा प्रदेश सरकारबाट कपिलवस्तुका पुरातात्विक, पर्यटकीय तथा धार्मिक स्थलको विकासका लागि विशेष कार्यक्रम सञ्चालन हुने बताउनु भयो ।
कपिलवस्तुमा बुद्धसँग सम्बन्धित १ सयभन्दा बढी पुरातात्विक स्थलहरु, विश्व सीमसार क्षेत्रमा सूचीकृत जगदीशपुर ताल लगायतका पुरातात्विक तथा पर्यकटकीय स्थलहरु रहेका छन् ।

मुख्यमन्त्री पोखरेलका साथमा सांसद बृजेश कुमार गुप्ता, प्रदेश सभा सदस्यहरु दीर्घनारायण पाण्डेय, धमर बहादुर लाल श्रीवास्तवलगायतको उपस्थिति रहेको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्