कक्षा ८ काे परीक्षामा गाउँपालिका उपाध्यक्ष

चैत ७, २०७५ बिहीबार ६:५६:४१ | रासस

दाङ – पढाइलाई उमेर र कामले पनि छेक्दैन । दाङ गढवा गाउँपालिकाका उपाध्यक्ष ४८ वर्षीया शान्ति चौधरी कक्षा ८ को परीक्षामा सहभागी हुनुभएको कुराले यही भनाइलाई पुष्टि गर्छ ।

वडा नं ६ निवासी चौधरी जनता उच्च माध्यमिक विद्यालयबाट यस वर्षको कक्षा ८ को परीक्षामा संलग्न हुनुभएको हो । कक्षा ५ मा पढ्दापढ्दै विसं २०५३ मा पढाइ छाड्नुभएका उहाँ यसै वर्ष कक्षा ८ मा भर्ना हुनुभएको हो ।

“पढाइलाई उमेरले छेक्दैन भन्ने मान्यतालाई आत्मसात् गर्दैै परीक्षामा सहभागी भएको हुँ”, उहाँले भन्नुभयो । सानोमा पढ्दापढ्दै छोडेको भए पनि हरेक क्षेत्रमा अगाडि बढ्न पढाइ महत्वपूर्ण हुने भएकाले पुनःपढाइ सुरु गरेको उहाँको भनाइ थियो । “सानो उमेरमा बुबाले पढ भन्दा भन्दै पनि पढ्न छोडेँ । त्यतिबेला पढेको भए, अहिले धेरै सजिलो हुन्थ्यो ”, उहाँले भन्नुभयो ।

चार भाइ र चार बहिनीले उच्च शिक्षा अध्ययन गरे पनि आफूले बीचमै पढाइ छोडेको उहाँको भनाइ थियो । “जेठो भाइ मेटमनी चौधरी सांसद हुनुभएको छ”, उहाँले भन्नुभयो । जनप्रतिनिधि भइसकेपछि पढाइको महत्व बुझेर निरन्तरता दिन लागेको उहाँले सुनाउनुभयो ।

उहाँका एक छोरा र दुई छोरीले पनि उच्च शिक्षा अध्ययन गरिरहनुभएको छ । “जेठो छोेराले सब इञ्जिनीयर पढ्छ”, उहाँले भन्नुभयो, “जेठी छोरीले कम्प्युटरमा स्नातक गर्दैछ भने कान्छी छोरीले ल्याब पढिरहेकी छ ।”

उपाध्यक्ष भएर न्यायिक समितिको जिम्मेवारी सम्हाल्दा पढाइ नहुँदा धेरै कमजोर बनाउने महसुस गरेकोले यसलाई निरन्तरता दिएको उपाध्यक्ष चौधरीले बताउनुभयो । “राजनीति गर्दा पनि शिक्षा महत्वपूर्ण हुने रहेछ”, उहाँले भन्नुभयो, “त्यसैले राजनीतिक हिसाबले पनि अगाडि बढ्न पढाइलाई निरन्तरता दिएकी हुँ ।” नेपाल कम्युनिष्ट पार्टी(नेकपा) संसदीय दलका सचेतक शान्ता चौधरीले पढेको सुनेपछि आफूलाई पनि पढ्नुपर्छ भन्ने थप भावना पैदा भएको उहाँको भनाइ थियो ।

धेरै ऐन, नियम, कानून, राजनीतिक दलका विभिन्न पुस्तक तथा व्यवहारिक ज्ञान सिक्नुभएकी उहाँलाई गणित, विज्ञान र अङ्ग्रेजी केही अप्ठ्यारो लागेको छ । अन्य विषय भने सजिलै लागेको छ ।

गाउँपालिकाको उपाध्यक्षको भूमिका निर्वाह गर्नुपर्दा विद्यालय जान नपाए पनि घरमै अध्ययन गरेर परीक्षा दिएको उहाँको भनाइ थियो । चौधरी तत्कालीन एमालेबाट निर्वाचित हुनुभएको थियो ।

१० बजे गाउँपालिका साढे १२ बजे स्कुल

परीक्षा अवधिभर पनि उहाँले गाउँपालिकाको काम र परीक्षालाई सँगै अगाडि बढाउनुभएको छ । दश बज्नेबित्तिकै गाउँपालिका पुग्ने उहाँ दुई घण्टासम्म गाउँपालिकाको काम गर्नुहुन्छ भने १२ बजे परीक्षा दिन परीक्षा केन्द्र जानुहुन्छ ।

एकदेखि ४ बजेसम्म हुने परीक्षा सकेर पुनःगाउँपालिकामा पुगेर काम सकेर घर फर्कनुहुन्छ । “परीक्षा अवधिभर परीक्षा र गाउँपालिकाको कामलाई सँगै अगाडि बढाएकी छु”, उहाँले भन्नुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

मिश्रा जी
March 21, 2019, 11:56 a.m.
भै गो देश विकास | गा.पा. उपाध्यक्ष कक्षा आठमा प्र.म 10+2 मा र राष्ट्रपति ले पनि स्नातकमा पढे पनि हुन्छ.... अपरिपक्वको हातमा शासन प्रणाली... अ हे व ले गरेको मुटु प्रत्यक्षारोपण. उस्तै उस्तै होला ....|
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कक्षा ८ काे परीक्षामा गाउँपालिका उपाध्यक्ष

दाङको गढवा गाउँपालिका उपाध्यक्ष शान्ती चौधरीले ४८ वर्षमा कक्षा ८ को परीक्षा दिँदै । तस्वीर : रासस

1 Comments

मिश्रा जी

तपाईको प्रतिक्रिया

तपाईको प्रतिक्रिया