कांग्रेससँगको छलफल नटुंगिएपछि प्रदेशसभा बैठक स्थगित

असार १२, २०७५ मंगलबार १८:४१:५६ | उज्यालो सहकर्मी

कैलाली – प्रतिपक्षी दलसँगको छलफल नटुङ्गिएपछि प्रदेश सातको प्रदेशसभा बैठक आज पनि सूचना टाँसेर स्थगित भएको छ ।

आगामी आर्थिक वर्षका लागि सरकारले प्रस्तुत गरेको बजेटमा प्रतिपक्षी दलले असन्तुष्टि जनाउँदै बैठकमा विरोध जनाएपछि सरकारले प्रतिपक्षसँग छलफल सुरु गरेको हो ।

भोलि ३ बजेसम्मका लागि बैठक स्थगित गरिएको छ । प्रतिपक्षी दलले जनमुखी बजेट नआएको र निश्चित लक्ष नबनाएरै प्रदेश सरकारले बजेट प्रस्तुत गरेको भन्दै बजेटको विरोध गर्दै आएको थियो । बजेट संशोधनका लागि पटक–पटक आग्रह गर्दा पनि सत्ता पक्षले बेवास्ता गरेको भन्दै प्रतिपक्षी दलले रोष्टर्ममा उभिएर हिजोको प्रदेशसभा बैठकमा विरोध गरेका थिए ।

हिजोको प्रदेशसभा बैठक स्थगित भएपछि प्रतिपक्षीदलसँग सत्तापक्ष दल छलफलमा जुटेको छ । छलफल नटुङ्गिएकाले आजको बैठक सुचना टाँसेर स्थगित गरिएको हो ।

सत्तापक्षसँग छलफल चलिरहेकाले बजेट संशोधन हुने अपेक्षा लिएको प्रदेशसभामा प्रमुख प्रतिपक्षीदल नेपाली कांग्रेसका नेता रणबहादुर रावलले बताउनुभयो । प्रदेशसभा बैठकमै विरोध गरेपछि प्रदेश सरकार सकारात्मक देखिएकाले आगामी वर्षमा पनि बजेटलाई सच्याएर प्रश्तुत गर्ने कुरामा छलफल भइरहेको उहाँले बताउनुभयो ।

सत्तापक्षले बहुमतको दम्भ देखाएर एकलौटी तरिकाले बजेट पास गरेमा आफू जनताका लागि सडकमा उत्रिने नेता रावलले चेतावनी दिएका छन् । एकलौटी निर्णय गर्न सक्ने गरी प्रदेश सरकार सित बहुमत भएपनि हचुवाका भरमा प्रस्तुत गरेको बजेटको विरोधका लागि जनताका बीचमा गएर त्यसको बिरोधमा उत्रिने उनको भनाई छ ।

अन्तिम अपडेट: माघ ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्