एकताबद्ध हुन नसके पार्टी संकटमा पर्नसक्छ: कांग्रेस महामन्त्री कोइराला

चैत ११, २०७५ सोमबार १७:५६:५४ | गोविन्द शर्मा

बाँके - नेपाली कांग्रेसका महामन्त्री शशांक कोइरालाले पार्टी एकताबद्ध हुन नसके संकटमा पर्न सक्ने चेतावनी दिनुभएको छ ।

नेपाली कांग्रेस बाँकेले सोमबार नेपालगञ्जमा आयोजना गरेको कार्यकर्ता भेलामा महामन्त्री कोइरालाले पार्टीलाई संकटबाट जोगाउन सबै शीर्ष नेताबीच एकता सबैभन्दा अपरिहार्य भएको बताउनुभयो । महामन्त्री कोइरालाले वर्तमान सरकार अधिनयाकवादी शैलीमा अघि बढ्न खोजेको भन्दै कुनैपनि खालको अधिनायकवाद कांग्रेसका लागि स्वीकार्य नभएको बताउनुभयो ।

सरकारले जनअपेक्षा अनुसार काम गर्न नसकेको उहाँको भनाइ छ । कार्यक्रममा केन्द्रीय सदस्य दिपक गिरी, किशोरसिंह राठौर, बद्रि पाण्डे, पूर्वमन्त्री एवं नेपाली कांग्रेस बर्दियाका सभापति संजय गौतम लगायतले मन्तव्य राख्नुभएको थियो ।

त्यस अवसरमा महामन्त्री कोइरालाले नेपाली कांग्रेस बाँकेको पार्टी कार्यालयको थप गरिएको दोस्रो तल्ला भवनको उद्घाटन गर्नुभयो । कार्यकर्ताबाट चन्दा संकलन गरी ११ लाख ६ हजार १ सय १५ रुपैयाँ लागतमा भवन निर्माण गरिएको नेपाली कांग्रेस बाँकेका सभापति किरण कोइरालाले जानकारी दिनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्