नयाँ दल देशको भविष्यको संकेत : ओली

जेठ ३, २०७५ बिहीबार ९:५५:४० | उज्यालो सहकर्मी

काठमाडौं, प्रधानमन्त्री तथा एमालेका अध्यक्ष केपी शर्मा ओलीले नयाँ पार्टीको घोषणा नेपालको भविष्यको संकेत हुने दावी गर्नुभएको छ ।

आफ्ना तत्कालीन महासचिव मदन भण्डारी तथा संगठन विभाग प्रमुख जीवराज आश्रितको २५ औ स्मृतिदिवसको अवसरमा बल्खुमा आयोजना गरिएको कार्यक्रममा उहाँले एमाले र माओवादी केन्द्रको एकता पछिको पार्टीले नेपालको नयाँ आशा भरोसा र भविष्यको संकेत गर्ने दावी गर्नुभएको हो ।

उहाँले दुईवटा पार्टीको एकता चानचुने नभएको र यसले देशलाई नयाँ उचाइमा लैजाने पनि दावी गर्नुभयो । ‘नेपालको आर्थिक सामाजिक राजनीतिक सास्कृतिक रुपमा यो एकताले दूरगामी असर गर्छ, उहाँले भन्नुभयो आज निर्वाचन आयोगमा दर्ता हुने दल चानचुने दल दर्ता होइन भविष्यको संकेत दर्ता गर्दैछौँ ।’

कांग्रेसलाई पनि सँगै लिएर जाने र देश निर्माण गर्ने ओलीको भनाई छ । कांग्रेस अब आफूहरुको प्रतिस्पर्धी दल नरहेको भन्दै उहाँले कांग्रेसको पनि लामो योगदान र इतिहास रहेकले उसलाई पनि सँगै लिएर देशको सम्बृद्धिमा लाग्ने बताउनुभयो ।

देशमा अधिनायकवाद आउने हल्ला चलाइएको भन्दै उहाँले भ्रष्टाचार गर्न नभइ भ्रष्टाचार नियन्त्रण गर्न, कुशासन चलाउन नभई सुशासन चलाउन र देशलाई नयाँ उचाइमा पुर्याउन नयाँ दल घोषणा गर्न लागिएको बताउनुभयो ।

स्वर्गीय मदन भण्डारीले देखाएको बाटो अब विस्तारित र फराकिलो बनेको र यसले आगामी दिनमा अरु बढी सामथ्र्य र प्रभाव देखाउने ओलीको दावी छ ।

भण्डारी शताब्दि नायक, असाधारण चिन्तक, दूरद्रष्टा रहेको र उहाँको निधनपछिका २५ वर्ष जागरण, विचार चिन्तन प्रयोग व्यवहार सफलता असफलताका उतारचढावका हिसाबले महत्वपूर्ण रहेको प्रधानमन्त्री तथा एमाले अध्यक्ष ओलीको भनाई छ ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नयाँ दल देशको भविष्यको संकेत : ओली

oli

तपाईको प्रतिक्रिया