मार्क जुकरबर्गको सरकारसँग आग्रह - इन्टरनेट सामाग्री नियन्त्रणका लागि सहयोग गर्नुहोस्

चैत १७, २०७५ आइतबार ११:५५:४६ | उज्यालो सहकर्मी

सामाजिक सञ्जाल फेसबुकका संस्थापक मार्क जुकरबर्गले इन्टरनेटका सामाग्रीमाथि नियन्त्रण गर्नका लागि सम्बन्धित निकाय र सरकारले थप सक्रिय भूमिका निभाउनु पर्नेमा जोड दिएका छन् ।

वासिङ्टन पोस्टमा प्रकाशित लेखमा फेसबुकका प्रमुख भन्छन्, ‘हानिकारक सामाग्रीहरुमाथि नियन्त्रणको जिम्मेवारी एउटैले लिन कठिन हुन्छ ।’ उनले निम्न चार क्षेत्रमा नयाँ कानुनका लागि आग्रह गरेका छन् : हानिकारक सामाग्री, चुनावी अखण्डता, गोपनीयता र डाटा पोर्टाबिलिटी (तथ्याङ्कलाई सहजरुपमा लिन योग्य) ।

एक बन्दुकधारीले न्युजिल्याण्डको क्राइस्टचर्चमा रहेको मस्जिदमा आक्रमण गर्नको लागि फेसबुक साइटको प्रयोग गरेको दुई हप्तापछि यो कुरा आएको हो ।

जुकरबर्ग लेख्छन्, ‘कानुनविद्हरु आफूसँग भाषण र वाक् स्वतन्त्रा बढी भएको स्वीकार्छन् र स्पष्टरुपमा म यसमा सहमत छु ।’ उनले फेसबुकलाई मानिसले उजुरी र छलफल गर्न सक्ने एक स्वतन्त्र निकाय बनाइनुपर्नेमा जोड दिएका छन् ।

जुकरबर्गले विज्ञान र प्रविधि कम्पनीमाथि लागू हुने नयाँ कानुनको पनि वर्णन गरेका छन् । उनी भन्छन्, ‘यो नयाँ नियम सबै वेवसाइटका लागि समान हुनुपर्छ, जसले हानिकारक सामाग्री को प्लेटफर्ममाथि रोक लगाउन सकियोस् ।’

फेसबुकले यी सबै मुद्दाहरु सुल्झाउने जिम्मेवारी लिएको र यसका लागि विश्वभरका सांसदसँग चर्चा गर्नको लागि आफू तयार भएको जुकरबर्गले बताएका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्