प्रदेश तीनको हिउँदे अधिवेशन आइतबारदेखि, प्रदेशको नामाकरण र राजधानीको विषयले प्रवेश पाउने

चैत १७, २०७५ आइतबार १४:२४:७ | उज्यालो सहकर्मी

मकवानपुर – प्रदेश नम्बर ३ को वर्षे अधिवेशन सकिएको ३ महिनापछि आइतबारदेखि हिउँदे अधिवेशन सुरु हुन लागेको छ । वर्षे अधिवेशन सकिएको ९४ दिनपछि सभामुख सानुकुमार श्रेष्टले हिउँदे अधिवेशन डाक्नुभएको हो ।

हिउँदे अधिवेशनमा लामो समयदेखि प्रदेशबा बासिन्दाको चासोको रुपमा रहेको राजधानीको विषयले पनि प्रवेश पाउने संकेत देखिएको छ । राजधानी हेटौँडा नै रहने वा अन्यत्र सार्ने भन्ने विषयमा र नामाकरणको विषयमा आइतबारदेखि सुरु हुने अधिवेशनमा छलफल गरिने सचिवालयले जनाएको छ ।

सचिवालयका अनुसार प्रदेश प्रमुख अनुराधा कोइरालाले आइतबार दिउँसो ३ बजे अधिवेशनको लागि आह्वान गर्नुभएको छ ।

अधिवेशमा ७ वटा विधेयक दर्ता

हिउँदे अधिवेशनमा अधिवेशनमा छलफलको लागि प्रदेश सचिवालयमा ३ वटा संशोधन विधेयकसहित ७ वटा विधेयक दर्ता भएका छन् । सभामा गएको पुस महिनामै प्रदेशसभाका पदाधिकारी तथा सदस्यको पारिश्रमिक र सुविधासम्बन्धी ऐनको संशोधन विधेयक, गएको माघमा प्रदेशस्तरका केही सार्वजनिक लिखत प्रमाणिकरण ऐन २०७४ को संशोधन विधेयक, गएको फागुनमा कर तथा गैर कर राजश्वसम्बन्धी ऐनको संशोधन विधेयक दर्ता भएका छन् ।

यस्तै प्रदेशसभामा प्रदेश राष्ट्रिय वनको संरक्षण र सुव्यवस्था गर्न बनेको विधेयक, प्रादेशिक सहकारीसम्बन्धी विधेयक, सूचनाको हकसम्बन्धी विधेयक, प्रादेशिक व्यापार व्यवसायसम्बन्धी विधेयक, प्रदेशको सार्वजनिक सडक व्यवस्था तथा सञ्चालन विधेयक दर्ताको तयारीमा रहेको जानकारी छ ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्