सातौं नेपाल मानवअधिकार अन्तर्राष्ट्रिय चलचित्र महोत्सव चैत २१ देखि

चैत २०, २०७५ बुधबार १८:५३:२८ | उज्यालो सहकर्मी

काठमाण्डौ - नेपाल मानवअधिकार अन्तरराष्ट्रिय चलचित्र महोत्सवको सातौं संस्करण यही चैत २१ देखि २४ गतेसम्म काठमाण्डौमा हुने भएको छ ।

सामाजिक न्याय र मानवअधिकारलाई प्रश्रय दिने उद्देश्यले आयोजना हुँदै आइरहेको महोत्सव रसियन सेन्टर अफ साइन्स काठमाण्डौमा हुने आयोजक मानव अधिकार चलचित्र केन्द्रले जनाएको हो ।

महोत्सवको सुरुको दिन अर्थात चैत २१ गते जीम क्र्याप्ट एण्ड बेस्टियन फिस्चेरले निर्देशन गरेको जर्मनीको ‘द मार्च अफ होप स्काई’ बाट गरिनेछ ।
मानव अधिकारका विषयमा निर्माण भएका ८१ भन्दा बढी वृत्तचित्र, छोटा चलचित्र, एनिमेसन लगायतका चलचित्र प्रदर्शन गरिने महोत्सवका लागि नेपालबाट दुई दर्जन भन्दा बढी चलचित्र छनोट भएका छन् ।

महोत्सवमा पछिल्लो समय विश्वमा आन्तरिक राजनैतिक विवाद, हिंसात्मक विद्रोह, जातीय दङ्गा र आतङ्कवादी क्रियाकलापका कारण विस्थापित भएकाको कथामा आधारित चलचित्रलाई प्राथमिकतामा राखिएको आयोजकले जनाएको छ ।

महोत्सवमा चलचित्र प्रर्दशनसँगै अन्तरक्रिया पनि गरिनेछ । यसका साथै मानव अधिकारका विषयमा बनेका उत्कृष्ट चलचित्रहरुलाई विभिन्न विधामा पुरस्कृत पनि गरिने आयोजकले जनाएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्