इण्डियन प्रिमियर लिग : हैदराबादसँग ५ विकेटले हार्‍यो दिल्ली

चैत २२, २०७५ शुक्रबार ६:३६:५९ | उज्यालो सहकर्मी

इण्डियन प्रिमियर लिग (आईपीएल)मा दिल्ली क्यापिटल्सले सनराइजर्स हैदराबादसँग ५ विकेटको पराजय ब्यहोरेको छ । जितपछि ५ खेलबाट ८ अंक बनाएको हैदराबादले शीर्ष स्थानमा २ अंकको अग्रता बनाएको छ ।

जारी आईपीएलका पाँच खेलमा दिल्लीको लगातार दोस्रो तथा समग्रमा तेस्रो हार हो । दिल्ली यसअघि किंग्स ११ पञ्जावसँग पराजित भएको थियो ।

दिल्लीले दिएको १ सय ३० रनको लक्ष्य हैदराबादले इनिङको ९ बल बाँकी छँदै पूरा गर्योे । हैदराबादका ओपनर जोनी बेरिस्टो र डेभिड वार्नरले पहिलो विकेटका लागि ६४ रनको साझेदारी गरेपछि जितको आधार बनेको थियो ।

बेरिस्टोले २८ बलमा ९ चौका र १ छक्काको सहयोगमा ४८ रन बनाउँदा वार्नरले १० रन बनाए । विजय शंकरले १६ रन बनाए भने दीपक हुड्डा र मनिस पाण्डे समान १० रनमा आउट भए । मोहम्मद नाभीले १७ अविजित रन बनाए ।

बलिङतर्फ दिल्लीका सन्दीप लामिछाने, कागिसो रावाडा, अक्सर पटेल, इसान्त शर्मा र राहुल तेवाटियाले एक–एक विकेट लिए ।

यसअघि फिरोज साह कोट्ला मैदानमा टस हारेर पहिले ब्याटिङ गरेको दिल्लीले निर्धारित ओभरमा ८ विकेट गुमाएर १ सय २९ रनको सामान्य योगफल तयार पारेको थियो ।

दिल्लीका कप्तान श्रीयास आयरले सर्वाधिक ४३ रन बनाएका थिए । अन्यले अपेक्षाअनुसार रन बनाउन सकेनन् । ओपनर पृथ्वी श ११, शिखर धवन १२ रनमै आउट भएका थिए ।

अन्त्यतिर क्रिस मोरिसले १७ र अक्सर पटेलले २३ अविजित रन बनाएपछि दिल्लीको १ सयको स्कोर पार गरेको हो । अक्सरले अन्तिम ओभरमा २ छक्का र १ चौका प्रहार गरेका थिए ।

दिल्लीका ५ जना ब्याट्सम्यानले दोहोरो अंकको रन बनाउन सकेनन् । बलिङतर्फ हैदराबादका लागि मोहम्मद नाभी, भुवनेश्वर कुमार र सिद्धार्थ कोउलले दुई–दुई विकेट लिए ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्