ओली र प्रचण्डले रोपे ‘जिउँदो डाइनोसर !’

जेठ ३, २०७५ बिहीबार १२:५७:३१ | उज्यालो सहकर्मी

काठमाडौं, जेठ ३ – एमाले माओवादी पार्टी एकता संयोजन समितिको बैठकअघि एमाले र माओवादीका शीर्ष नेताहरुले प्रधानमन्त्री निवास बालुवाटारमा बिरुवा रोपे । प्रधानमन्त्री एवं एमाले अध्यक्ष केपी शर्मा ओली र माओवादी अध्यक्ष पुष्पकमल दाहाल प्रचण्डलगायत नेताहरुले नेपाली सहित जापानी प्रजातिका बिरुवा रोपेका हुन् ।

तर जापानी प्रजातिका बिरुवा नेताहरुले त चिनेनन् नै विरुवा ल्याउने नर्सरीका मानिसले पनि ठ्याक्कै भन्न सकेनन् । माओवादी अध्यक्ष पुष्पकमल दाहाल प्रचण्डले यो बिरुवाको नाम के हो ? भनेर सोध्नुभयो । तर बिरुवा ल्याउने नर्सरीका मान्छेले पनि जवाफ दिन सकेनन् ।

एमाले नेता राजन भट्टराईले उज्यालो अनलाइनसँग बिरुवालाई चिनाउँदै भन्नुभयो, ‘यसको नाम जिङ्को बाइलोवा हो । यसको पातले वर्षमा तीनपटक रंग फेर्छ । स्वास्थ्यको लागि निकै फाइदाजनक पनि छ र हत्तपत्त मर्दैन ।’

यो बिरुवा दोश्रो विश्वयुद्धताका जापानको हिरोसिमा र नागासाकीमा अणु बम खस्दासमेत नमरेकाले शक्तिशाली बिरुवा मानिन्छ । वनस्पतिविद् तीर्थबहादुर श्रेष्ठका अनुसार यो जातको बिरुवा संसारभर प्रसिद्ध छ । ‘यो जत्तिकै पुरानो अरु प्रजातिका बिरुवा नाश भैसके, तर यो बिभिन्न प्रतिकूल अवस्था झेलेर पनि बाँचिरहेको छ । यसलाई लिभिङ डाइनोसर अर्थात जिउँदो डाइनोसर भन्दा हुन्छ ।’

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

ओली र प्रचण्डले रोपे ‘जिउँदो डाइनोसर !’

plant

तपाईको प्रतिक्रिया