विवेक ओबेरोय भन्छन् : म माेदीकाे फ्यान हुँ, भक्त हाेइन

चैत २५, २०७५ सोमबार १४:९:४४ | उज्यालो सहकर्मी

विवेक ओबेरोयको आउँदै गरेको नयाँ फिल्म ‘पीएम नरेन्द्र मोदी’ पछिल्लो समय निकै नै चर्चामा छ ।

लामो समयसम्म विवादमा रहेको उनको यो फिल्म रिलिज हुन बाटो खुलेको छ । विवेक ओबरायले यस फिल्मको बारेमा खुलेर चर्चा गरेका छन् ।

विवेक ओबेराेय उनको आउँदै गरेको फिल्म ‘पीएम नरेन्द्र मोदी’ मा प्रधानमन्त्री नरेन्द्र मोदीको भूमिका निभाएका छन् । यो फिल्म केही दिनदेखि निकै चर्चा र विवादको सामना गरिरहेको थियो । केही राजनीतिक दलले चुनावको बीचमा यो फिल्म रिलिज गर्न नहुने भन्दै विरोध जनाएका थिए । तर अब भने फिल्म रिलिजको लागि बाटो खुलिसकेको छ ।

यस फिल्म लाई लिएर भइरहेको विवादको बारेमा विवेकले भनेका छन्, ‘यो फिल्म रिलिजको विषयलाई लिएर विवाद हुँदा कोही पनि फिल्मको पक्षमा उभिन आएनन् । कुरा राजनीतिक विचारधाराको मात्र नभएर फिल्म निर्माता र दर्शकको अधिकारको हो । हामीले यो अधिकारलाई बचाउन आवश्यक छ । मैले कसैले पनि यो फिल्मको समर्थनमा ट्वीट गरेको देखेको छैन ।’

विवेकसँग प्रश्न सोधियो, के उनी नरेन्द्र मोदीका फ्यान हुन् ? यसको जवाफमा उनले भने, ‘अवश्य । म कुनै भक्त होइन । मोदीले जे गर्छन् राम्रै गर्छन् भन्ने यस्तो मान्छे पनि होइन । म सबै कुरामा सहमत पनि हुन सक्दिनँ । म हरेक कुरामा सन्तुलित धारणा राख्छु । मलाई नरेन्द्र मोदी युवाहरुको लागि प्रेरणा हुन जस्तो लाग्छ । यति मात्र होइन नरेन्द्र मोदी वयश्कदेखि वृद्धसम्म सबैलाई प्रेरित गर्छन् ।’

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्