मलेसियामा बस दुर्घटना : भाग्यले बाँचियो

 चैत २५, २०७५ सोमबार १६:२९:५६ | मेरो कथा मेरो भोगाई

रोमकान्त पन्थी/दाङ, हाल मलेसिया ।

मेरो नाम रोमकान्त पन्थी हाे। मेरो घर दाङमा हाे । म मलेसिया आएको सात वर्ष भयो । मैले यहाँको मुतियारा कायामास कम्पनीमा काम गर्न थालेको तीन वर्ष पुग्न लाग्यो । 

यो एक भेण्डर कम्पनी हो । यसले मलेसियाको विमानस्थलको मास कार्गोमा काम गर्छ । राती र दिनको दुई सिफ्टमा काम हुन्छ । यो कम्पनीको एउटा डिमार्टमेन्टको म लिडर हुँ ।

यहाँका स्थानीय र नेपालीसहित १४ जनालाई मैले लिड गर्छु । यो कम्पनीमा झण्डै ६ सय नेपाली कार्यरत छन् । काम र कमाइ राम्रो छ । 

हाम्रो होस्टलबाट काम गर्ने ठाउँ विमानस्थलसम्म पुग्न झण्डै ४० मिनेट लाग्छ । काममा जाँदा र आउँदा बसमार्फत नै हो ओहोरदोहोर गर्नुपर्छ । मेरो पनि एक हप्ता दिउँसो र एक हप्ता रातीको ड्युटी पर्छ ।

हिजाे मेराे साथीहरु चढेको बस दुर्घटनामा पर्यो । दुईजना नेपालीसहित ११ जनाको ज्यान गयो । अरु १२ जना नेपाली घाइते भएका छन् । हिजो आइतबार मेरो पनि रातीकै ड्युटी थियो ।

म पनि त्यही बसमा जाने थिएँ होला । तर मेरो भाग्य रहेछ । शनिबार राती मेरो भिनाजु नेपालबाट आउनुभएकाले म विमानस्थलमा सामान लिन जानु पर्‍यो । त्यही कारणले मैले ड्युटी समय साटफेर गरें ।

विमानस्थलबाट सामान लिएर होस्टल आउँदा रातको २ बजेको थियो । सुतें र दिउँसोको ड्युटी गरेर फर्किएँ । मसँगै सन्तोष मगरले पनि हिजो रातीको ड्युटी साटेका थिए । 

काममा लैजान साथीहरुलाई बसमा राख्ने बेलामा नै बसका चालकले चर्को चर्को स्वरमा बोलिरहेका थिए । घाइते साथीहरुका अनुसार गाडी चलाइरहँदा पनि उनी फोनमा कसैसँग झगडा गरिरहेका थिए रे ।

मेरो अर्को साथी सल्यानका जलन्द बिक पनि त्यही बसमा चढ्न लाग्नुभएको थियो । तर बस भरियो भन्दै चालकले चर्को स्वर गरेपछि उहाँ बसबाट ओर्लिएर भ्यानमा जानुभयो र दुर्घटनाबाट बच्नुभयो । 

बस होस्टलबाट हिँडेको केही समयमा नै दुर्घटनामा परेछ । काममा जाँदा सबैले मोबाइल लान पाउँदैनन् । एकजनाले लगेका रहेछन् । त्यसैले दुर्घटनापछि सामान्य घाइते भएका साथीले त्यही फोनबाट सम्पर्क गरी दुर्घटनाबारे जानकारी गराए । 

मलाई त त्यो खबर सुनेपछि लाग्यो, धन्न ड्युटी साटेर बाँचेछु । भाग्यले बाँचिएछ । दुर्घटना देखेपछि त मलाई फेरि अर्को जन्म पाएझैं भएको छ । म र साथीहरु त भाग्यले बाँच्यौं । तर दुईजना साथीलाई गुमाउनुपर्यो । 

ज्यान गुमाउने साथी रामु चौधरी त २८ दिनअघि मात्रै घर बिदामा गएर आउनुभएको थियो ।  अब घाइते साथीहरु छिट्टै निको होउन् । यही कामना गर्छु ।
 

अन्तिम अपडेट: पुस १, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

जर्जियाको एक स्की रिसोर्टमा ११ जना भारतीय नागरिकसहित १२ जनाको शव भेटियो

३

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई