दाेस्राे चरणमा पुग्न जित्नैपर्ने दबाबमा कोलम्बिया, सेनेगललाई बराबरी काफी

असार १४, २०७५ बिहीबार १८:११:२९ | उज्यालो सहकर्मी

समूह एच अन्तरगत विहीबार राति पौने ८ बजे सेनेगल र कोलम्बिया भिड्दैछन् ।

सेनेगल ४ अंकसहित तालिकाको दोस्रो स्थानमा रहँदा कोलम्बिया ३ अंकसहित तेस्रो स्थानमा छ । जसले गर्दा आजको खेलमा सेनेगललाई बाराबरीले प्रि–क्वार्टरफाइनलको यात्रा गराउँदा कोलम्बियालाई भने जित्नै पर्ने दबाब छ ।

यस समूहमा एसियाको पावरहाउस जापान ४ अंकसहित शीर्ष स्थानमा छ । जापानले आज प्रतियोगिताबाट बाहिरिसकेको पोल्याण्डसँग प्रतिस्पर्धा गर्न लागेकाले ३ वटै टोलीको प्रि–क्वार्टरफाइनलमा पुग्ने सम्भावना जीवितै छ ।

जापानले पोल्याण्डसँग पराजय ब्यहोरेमा, सेनेगल र कोलम्बिया बराबरी खेले पनि दुवै टोली नकआउट चरणमा पुग्नेछन् ।

२००२ को विश्वकपपछि पहिलो पटक छनोट भएको सेनेगलले समूह चरणमा पोल्याण्डलाई पराजित गर्दा जापानसँग भने २–२ गोलको बराबरी खेलेको थियो ।

सेनेगलको इतिहास कुरा गर्ने हो भने २००२ को विश्वकपमा डिफेन्डिङ च्याम्पियन फ्रान्सलाई पराजित गर्दै समूह चरणबाटै घर पठाएकाले जतिबेला पनि सेनेगलको टिम विरोधीमाथि हावी हुन सक्ने आकलन गर्न सकिन्छ ।

कोलम्बियाले कमजोर प्रतिद्वन्द्वी पोल्याण्डलाई पराजित गरेको हो भने जापानसँग पराजित भएको थियो ।
आजको खेलमा जापानसँग बराबरीमा रोकिएको सेनेगलसँगको कोलम्बियाको भिडन्त रोचक हुने अनुमान गरिएको छ ।

कोलम्बियाका डोभिड ओस्पिनले कुनै पनि हालतमा आजको खेल जित्नै पर्ने बताएका छन् । उनले सन् २०१४ को विश्वकपमा क्वार्टरफाइनलसम्म पुगेको कोलम्बिया अहिले समूह एचमा शीर्ष स्थानमा रहँदै प्रि–क्वार्टरफाइनलमा पुग्ने दाउमा रहेको पनि बताए ।

सेनेगललाई हराएमा स्पष्ट ६ अंक हुनेछ भने जापान बराबरीमा रोकिए पाँच अंकसहित उपविजेता हुने छ ।

कोलम्बियालाई खुसीको खबर भनेको कार्लोस साञ्चेज खेल्न पाउने छन् । उनी जापानविरुद्धको खेलमा रातो कार्ड खाँदै एक खेलको प्रतिबन्धमा परेका थिए ।

प्लेयर्स टु वाच

मोबेई नियाग –सेनेगल

टोरिनो क्लबबाट व्यावसायिक फुटबल खेल्दै आएका नियाग सिरि ए कपमा अहिलेसम्म चार गोल गरेका छन् । तर रुस विश्वकपमा पोल्याण्डविरुद्धको खेल जित्दा उनले पहिलो अन्तर्राष्ट्रिय गोल गर्न सफल भए । उनले जापानसँगको बराबरीमा सेनेगलकै अर्का स्ट्राइकर मूसा बेगलाई गतिलो पास उपलव्ध गराउन सहयोग गरेकाले पनि कोलम्बियासँगको प्रतिस्पर्धामा उनको उपस्थिति झनै बढी हुने देखिन्छ । त्यसैगरी साडियो माने अहिले स्टार खेलाडी रहेकाले कोलम्बिायाले उनलाई रोक्न खोज्दा नियाग कोलम्बियामाथि हावी हुनेछन् ।

राडमेल फाल्काओ, कोलम्बिया

म्यानचेस्टर युनाइटेड र चेल्सीका पूर्व स्ट्राइकर फाल्काओले प्रिमियर लिगमा आफूलाई सिद्ध गरिसकेका छन् । उनले देशका लागि पनि उत्कृष्ट प्रदर्शन गर्दै ६७ क्यापमा ३० गोल गरेका छन् ।

फाल्काओ र अर्का स्टार खेलाडी मिडफिल्डर जेम्स रोड्रिगेजको तालमेल सेनेगलका लागि टाउको दुखाई बन्न सक्छ । कोलम्बियाले अहिलेसम्म विश्वकपमा १० गोल गर्दा ६ गोल रोड्रिगेजको नाममा छ भने ४ गोलका लागि उनले पास उपलब्ध गराएका छन् ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दाेस्राे चरणमा पुग्न जित्नैपर्ने दबाबमा कोलम्बिया, सेनेगललाई बराबरी काफी

प्लेयर्स टु वाच मोबेई नियाग –सेनेगल

राडमेल फाल्काओ, कोलम्बिया

तपाईको प्रतिक्रिया

प्लेयर्स टु वाच

मोबेई नियाग –सेनेगल