देश हाँक्न सक्ने पार्टी भनेको नेकपा मात्रै हो : प्रधानमन्त्री ओली

असार १४, २०७५ बिहीबार १९:४७:१८ | उज्यालो सहकर्मी

काठमाडाैं - प्रधानमन्त्री केपी शर्मा ओलीले देशलाई हाँक्न सक्ने पार्टी नेपाल कम्युनिष्ट पार्टी (नेकपा) मात्रै भएको दावी गर्नु भएको छ ।

प्रधानमन्त्री ओलीले आफू नेतृत्वको नेपाल कम्युनिष्ट पार्टी (नेकपा) ले मात्रै सुशासनसहितको समाजवादी तर्फको यात्रालाई अघि बढाउन सक्ने पनि बताउनु भयो ।

मदन भण्डारीको जन्मजयन्तिको अवसर पारेर बिहीबार काठमाडौंमा आयोजित एक कार्यक्रममा बोल्दै उहाँले मुलुकमा सामाजिक सदभाव कायम गरेर अघि बढने योजना पनि सुनाउनु भयो । प्रधानमन्त्री ओलीले कम्युनिष्ट नेतृत्वमा मुलुकलाई अघि बढाउने समय आएको तर्क पनि गर्नु भयो ।

प्रधानमन्त्री ओलीले आगामी असोज ३ गते भित्र संविधान कार्यान्ववयनका लागि आवश्यक सबै कानुन निर्माण गरिसक्ने घोषणा पनि गर्नु भयो । उहाँले कांग्रेस नेतृत्वको अघिल्लो सरकारले संविधान कार्यान्वयनका लागि आवश्यक कानुन निर्माणको काममा सिन्को समेत नभाँचेको भन्दै आक्रोश व्यक्त गर्नुभयो ।

प्रधानमन्त्री ओलीले सरकारले तराईमा हुने डुबान समस्या समाधान गर्न सर्भे टोली नै परिचालन गरेको पनि उल्लेख गर्नुभयो । उहाँले भारतसँग सन १९५० मा भएको असमान सन्धि पुनरावलोकन गर्न लागिएको पनि बताउनुभयो । प्रधानमन्त्री ओलीले थप चार ठाउँबाट हवाई रुट परमिट लिने भारतसँगको समझदारी कार्यान्वयनमा आउनु नेपालका लागि ठूलो उपलब्धि भएको पनि स्मरण गराउनुभयो ।

प्रधानमन्त्री ओलीले सरकार मुलुकको विकास र समृद्धिमा केन्द्रित भएको पनि बताउनुभयो । त्यस अवसरमा प्रधानमन्त्री ओलीले नेपालको कम्युनिष्ट आन्दोलनमा मदन भण्डारीले दिनु भएको वैचारिक योगदानको पनि स्मरण गराउनुभयो ।

अन्तिम अपडेट: माघ ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्