भारतीय चुनाव आयोगले लगायो ‘पीएम नरेन्द्र मोदी’ को रिलिजमा रोक

चैत २७, २०७५ बुधबार १८:२१:३२ | एजेन्सी

भारतीय प्रधानमन्त्री नरेन्द्र मोदीको बायोपिक चलचित्र ‘पीएम नरेन्द्र मोदी’ आउँदो लोकसभा चुनावअघि रिलिज नहुने भएको छ ।

भारतीय चुनाव आयोगले यसको रिलिजमा बुधबार रोक लगाएको छ । चुनाव आयोगले लोकसभा चुनाव नसकिएसम्म यो चलचित्रको रिलिजमा रोक लगाएको हो । भारतमा अप्रिल ११ देखि मे १९ सम्म गरी सात चरणमा लोकसभा चुनाव हुँदैछ ।

यसभन्दा पहिले भारतीय सर्वोच्च अदालतले यो चलचित्रको रिलिजमाथि रोक लगाउनपर्ने भन्दै कांग्रेसका एक कार्यकताले हालेको रिट खारेज गरेको थियो । सर्वोच्च अदालतले चलचित्रले चुनावी आचारसंहिता उल्लंघन गरे नगरेको चुनाव आयोगले नै तय गर्ने बताएको थियो ।

साथै चलचित्र नहेरी यो आचारसंहिताविपरीत भो भनेर कसरी भन्न सकिन्छ भनेर सर्वोच्चले रिट दायरकर्तालाई सोेधेको थियो ।

कांग्रेससहितका विपक्षी दलले भने यो फिल्मले बीजेपीलाई अनुचित लाभ मिल्ने बताउँदै चुनाव नसकिएसम्म यसको रिलिजमाथि रोक लगाइनुपर्ने बताउँदै आएका थिए ।
यस चलचित्रमा विवेक ओबेरोयले नरेन्द्र मोदीको भूमिका निर्वाह गरेका छन् । चलचित्रमा मोदीका विभिन्न कालखण्डका उतारचढावलाई देखाइएको विवेकले बताएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्