डलरको भाउ अहिलेसम्मकै उच्च
मंसिर ७, २०८१ शुक्रबार
बिरामीको प्रश्न : डाक्टरको माग ठूलो कि नागरिकको ज्यान ?
काठमाण्डौ – मुगुको छायाँनाथ रारा नगरपालिका १४ का कन्नवीर बुढा बिहीबार काठमाण्डौको वीर अस्पताल परिसरमा भेटिनुभयो ।
अहिले उहाँ ६७ वर्ष पुग्नुभयो । चार वर्षदेखि दमको औषधि खाँदै आएका उहाँ ६÷६ महिनामा स्वास्थ्य जाँच गर्न काठमाण्डौ आउनुहुन्छ । ‘बिहान बेलुका औषधिकै भरमा बाँच्नुपरेको छ’, बुढाले भन्नुभयो, ‘कतिबेला गाह्रो हुन्छ ठेगान नै हुँदैन ।’
समस्या बल्झिएपछि गएको शुक्रबार काठमाण्डौ आएका उहाँले डाक्टरहरुको आन्दोलनका कारण अझैसम्म उपचार पाउनु भएको छैन । मुगुको तल्चा विमानस्थलबाट काठमाण्डौ आउन मात्रै १० हजार १ सय १५ रुपैयाँ हवाई भाडा लाग्छ । फर्कँदा त्यो भन्दा पनि अझै बढी लिने गर्छन् ।
‘आउँदा जाँदा २०÷३० हजार रुपैयाँ खर्च लाग्छ । त्यसमाथि काठमाण्डौमा हप्तादिन बस्दा आधा लाख खर्च भैसक्यो तर उपचार पाइएन’, उहाँ भन्नुहुन्छ । अस्पताल आएका आपूmजस्ता बुढाबुढी, सुत्केरी, बालबालिका सबै बिरामीले समयमै उपचार पाउनुपर्ने उहाँको भनाइ छ । डाक्टरको आन्दोलनले बेलैमा उपचार सेवा पाउने नागरिकको अधिकार खोसिएको उहाँको बुझाइ छ ।
मुगुका कन्नवीर बुढासँगै बसेका नुवाकोट बेलकोटगढी नगरपालिका–८, का शिवप्रसाद दाहालको पनि उस्तै समस्या छ । ७१ वर्षका दाहाल पनि उपचारका लागि काठमाण्डौ आएको ५ दिन भैसक्यो । गाउँघरमा भन्दा राम्रो उपचार होला भनेर आएको तर डाक्टरले नै नहेरेपछि झनै हालत खराब भएको उहाँको गुनासो छ ।
उहाँको प्रश्न छ, ‘दुख्यो, गाह्रो भयो भनेर काठमाण्डौसम्म आइपुगेँ तर डाक्टरले वास्तै गर्दैनन्, डाक्टरको माग ठूलो हुन्छ कि मर्न आँटे भनेर छटपटिँदै अस्पताल आउने बिरामीको ज्यान ?'
देशकै जेठो अस्पताल वीर अस्पताल परिसरमा कतिबेला सुनसान र कुन बेला होहल्ला हुन्छ पत्तै हुँदैन । अस्पतालको भित्तामा प्रसासन र आन्दोलन गर्ने डाक्टरले आ–आफ्ना सूचना टाँसेका छन् ।
आन्दोलन गर्नेहरुले ‘बिरामी जाँच्न मन त छ तर हामीमाथि नै अन्याय भएको पर्चा टाँगेका छन्’ भने अस्पताल प्रसासनले सेवा सुरु गर्न आह्वान गरेको छ । तर उपचार पाइएला कि भन्ने आशैआशमा कुरिरहेका बिरामीले डाक्टरलाई ‘कि सेवा देउ होइन भने जागिर छोड’ भन्न थालेका छन् । पश्चिम रुकुमबाट उपचारका लागि आएकी बिमला खत्रीले डाक्टरले बिरामीको व्यथा नबुझेको गुनासो गर्नुभयो ।
आफ्ना माग पूरा गराउन हजारौँ नागरिकको जीवनमाथि डाक्टरहरुले खेलवाड गरेको गुनासो धेरैको छ । डाक्टरहरुले आफ्नो आन्दोलनको विकल्प खोजेर काममा फर्किनुपर्ने उपचारका लागि अस्पताल धाएका बिरामीको माग छ ।
मुगुका कन्नवीर, पश्चिम रुकुमकी खत्रीलगायत दुर्गम क्षेत्रका बिरामी काठमाण्डौ आउनुपर्ने बाध्यता छुट्टै छ । सुविधासम्पन्न अस्पताल र डाक्टर नै नभएका दुर्गम क्षेत्रमा त्यसै पनि उपचार गाह्रो छ । सरकारी अस्पताल र डाक्टर भएका ठाउँमा पनि यतिबेला डाक्टरकै आन्दोलनका कारण सेवा नपाउँदा बिरामी मर्कामा परेका छन् ।
वीरसहित देशभरका सरकारी अस्पताल पुग्ने बिरामीले उपचार पाउन सकेका छैनन् । सरकारी दरबन्दीका डाक्टरले ओपीडी, शल्यक्रियासहितका सेवा ठप्प पारेर एक हप्तादेखि आन्दोलन गरिरहेका छन् । उपचारको आशमा अस्पताल पुगे पनि बिरामीले झनै सास्ती खेप्नुपरेको छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
मदन पौड्याल
उज्यालोमा कार्यरत मदन पौड्याल राजनीति, प्रशासन र समसामयिक विषयमा कलम चलाउनु हुन्छ। पौड्यालको भूकम्पपछिको पुनर्निर्माणमा दख्खल छ। 
1 Comments
समाचार
-
-
अस्पतालहरूलाई सेवा शुल्क सार्वजनिक गर्न मन्त्रालयको परिपत्र, नगर...
मंसिर ७, २०८१ शुक्रबार
-
११ वटा एयरलाइन्सले हवाई भाडादरको विवरण बुझाए
मंसिर ७, २०८१ शुक्रबार
-
पहाडी भेगका केही ठाउँमा हल्का वर्षाको सम्भावना
मंसिर ७, २०८१ शुक्रबार
-
तीन वर्षपछि ‘बी’ डिभिजन लिग माघमा हुँदै
मंसिर ७, २०८१ शुक्रबार
-
युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र...
मंसिर ७, २०८१ शुक्रबार
-
सार्वभौम साख मूल्याङ्कनमा नेपालको सन्तोषजनक नतिजा, दक्षिण एशिय...
मंसिर ७, २०८१ शुक्रबार
-
खोला किनारको २० मिटर मापदण्डको फैसलामा सर्वोच्चले पुनरावलोकन...
मंसिर ७, २०८१ शुक्रबार
-
विश्व विजेता किक बक्सर ‘हिमचितुवा’ घिमिरे नेपालमा सम्मानित
मंसिर ७, २०८१ शुक्रबार
-
चितवनमा धान उत्पादन घट्यो
मंसिर ६, २०८१ बिहिबार
-
अर्घाखाँचीको सन्धिखर्क नगरपालिका र मातहतका कार्यालयमा हट्यो ढड्...
मंसिर ६, २०८१ बिहिबार
-
अलैंचीको मूल्य उच्च विन्दूमा, ४० किलाेकाे एक लाख सात हजार रु...
मंसिर ६, २०८१ बिहिबार
-
पहिलो चौमासिकमा राजस्व सङ्कलन बढ्यो
मंसिर ६, २०८१ बिहिबार
-
दैलेखको दुल्लूमा बोक्सीको आरोपमा एक जनाको हत्या
मंसिर ६, २०८१ बिहिबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
dhama paudyal
April 12, 2019, 9 a.m.यस्को स्पस्ट संकेत हो यो बिदेशी ले लादेको गलगांड तन्त्र असफल भो । यिनिहरुको नियन्त्रण मा देश छैन जस्ले चलाएको छ उस्लाई यहाँ जसरि हुन्छ अशान्ती फैलाएर धमिलो पानी मा माछा मार्नुछ । यह्का नेताअ नाम धारी जनावर को उद्देस्य चाही जसरि हुन्छ धन कमाउनु । अनि सत्ता मा बसेकाको उद्देश्य चाही एन केन प्रकारेण सत्ता मा टिक्ने र देश लुट्ने । त्यसैले पशुपती शर्मा ले त्यसै भनेका होईनन्, " लुट्न सके लुट अरु देश मा पाइदैन नेपाल मा नै छुट्"