आईएसले युरोपमा खतरनाक आक्रमणको तयारी गर्दैछ : रिपोर्ट

वैशाख २, २०७६ सोमबार २०:५:९ | उज्यालो सहकर्मी

इस्लामिक स्टेट (आईएस) आतंकवादी समूह युरोपको पेरिसमा चार वर्षअघि गराएको आत्मघाती हमला दोहोर्‍याउन चाहेको अन्तर्राष्ट्रिय सञ्चारमाध्यमहरुले जनाएका छन् । एक बेलायती अखबारले आफ्नो रिपोर्टमा यो कुराको खुलाशा गरेको हो ।

पेरिसमा सन् २०१५ नोभेम्बरमा कन्सर्ट हल, स्टेडियमको बाहिर, रेस्टुरेण्ट र बारमा फायरिङ्ग र आत्मघाती विस्फोटको सिरिजमा परि झण्डै १ सय ३० ले ज्यान गुमाएका थिए ।

'द सन्डे टाइम्स' अखबारले आईएसले युरोप र मध्य एसियामा आतंकवादी हमलाको योजना बनाएको खुलाशा गरेको हो । पेरिसमा जस्तै हमला दोहोर्‍याउनका लागि सक्रिय भएको आईएस अहिले योजना बनाइरहेको अखबारले दाबी गरेको छ ।

अखबारका अनुसार, यो वर्षको सुरुमा सिरियामा आईएसविरुद्ध निर्णायक लडाइँको दौरान उसका एक सदस्यको खल्तीबाट खसेको हार्ड ड्राइभमा युरोपमा हमला गर्ने पूरा योजना पाइएको थियो ।

यी दस्ताबेजमा आईएसको ‘खलीफा’ अबू बकर अल–बगदादी र त्यसपछि दोस्रो नम्बरको हैसियत राख्ने एक व्यक्तिसँग सम्बन्धित पत्र छ, जसमा आईएसका ७ नेताहरुले हस्ताक्षर गरेका छन् । यो पत्रमा युरोप हमलाको पूरा योजनालाई दुई भागः अपरेसन्स अब्रोड र आपरेसन्स बोर्डरमा बाँडिएको छ ।

अपरेसन्स अब्रोडको जिम्मेवारी अबू खबाब अल–मुहाजिरलाई दिइएको छ । यो दस्ताबेजसँगै यूरोपमा आईएसका एक समर्थकको तस्बिर पनि दिइएको छ, जसले यो अपरेशनलाई पूरा गर्न मद्दत गर्नेछन् ।

यस्तो छ योजना

आईएसको योजनामा बैंक लुटेर आर्थिक सहयोग जुटाउने, सीमावर्ती क्षेत्रमा आतंकवादी हमला गर्ने, अन्तर्राष्ट्रिय नेटवर्कलाई निशाना बनाउनु, आत्मघाती हमला गर्नु, भिडमा वाहन छोड्ने र कम्प्युटर ह्याक गर्नेजस्ता योजना रहेका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्