'गेम अफ थ्राेन' का कलाकार शोफी टर्नर र जो जोनसले सुटुक्क विवाह गरे

वैशाख २०, २०७६ शुक्रबार ११:४८:२५ | उज्यालो सहकर्मी

चर्चित वेव सिरिज ‘गेम अफ थ्रोन’ मा सान्सा स्टार्कका रुपमा चर्चित अभिनेत्री सोफी टर्नर र गायक जो जोनसले अमेरिकाको लस भेगासमा सुटुक्क विवाह गरेका छन् ।

डिजे डिप्लोले उनको इन्स्टाग्राम एकाउन्टको स्टोरीमा सोफी र जो जोनस निजीले एक समारोहमा विवाह गरिरहेको भिडियो पोष्ट गरेका छन् । उक्त भिडियो सार्वजनिक भएसँगै सोफी र जोका फ्यानहरु चकित परेका छन् ।

Diplo really streamed while Joe and Sophie were getting married I- pic.twitter.com/jsW9LVGAD6
— Jonas Brothers News (@jbrosnews) May 2, 2019

भिडियोमा सोफी टर्नर सेतो रंगको दुलही पहिरनमा सजिएकी छिन् भने जो जोनस दुलाहाको फर्मल शुटमा सजिएका छन् । भिडियोमा यी दुईलाई निजी समारोहमा केही सीमित पाहुनको उपस्थितिमा विवाह गरिरहेको देख्न सकिन्छ । खबरहरुका अनुसार, सोफी र जोले यस अघि नै विवाहको लाइसेन्स लिइसकेका थिए ।

सोफी र जोले सन् २०१६ देखि एकअर्कालाई डेट गर्न सुरु गरेका थिए । दुवैले सन् २०१७ को अक्टुबरमा इन्गेजमेन्ट गरेका थिए । अमेरिकी पप गायक जो जोनस निक जोनसको भाइ हुन् । गत वर्ष डिसेम्बरमा भारतको उदयपुरमा निक जोनस र प्रियंका चोपडाको विवाह हुँदा जो जोनस र सोफी टर्नर पनि सहभागी भएका थिए ।

खबरहरुका अनुसार जो जोनस र सोफी टर्नरले छिट्टै नै आधिकारीक रुपमा विवाहको भव्य रिसेप्सनको आयोजना गर्नेछन् । उनीहरुको विवाहको रिसेप्सन फ्रान्समा हुन सक्ने बताइएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्