संसदमा राष्ट्रपतिको हाँसो

वैशाख २०, २०७६ शुक्रबार १७:१८:५४ | उज्यालो सहकर्मी

काठमाण्डौ - राष्ट्रपति विद्यादेवी भण्डारीले सरकारले कृषि उत्पादन वृद्धि गर्न आगामी आर्थिक वर्षमा सिँचाई व्यवस्था सर्वसुलभ बनाउने गरी योजना अगाडि बढाउने बताउनुभयो ।

आर्थिक वर्ष २०७६/०७७ को नीति तथा कार्यक्रम सार्वजनिक गर्दै उहाँले जलविद्युतको अभाव भएका ठाउँमा पनि सौर्य उर्जाको मद्धतबाट सिँचाई व्यवस्था सर्वसुलभ बनाउने गरी काम भइरहेको बताउनुभयो ।

‘बारीको पाटा र खेतका गरा, हुन्छन् सबै हराभरा’ भन्ने नाराका साथ पहाडी क्षेत्रका नदी छेउछाउका कृषि योग्य जमिनमा सौर्य उर्जा प्रयोग गरि लिफ्ट सिँचाई प्रयोग गरिने र तराईमा भूमिगत जल सिँचाई सर्वसुलभ बनाउने बताउनुभयो ।

‘बारीको पाटा र खेतका गरा, हुन्छन् सबै हराभरा’ भन्ने नारा उच्चारण गर्ने बेला भने उहाँको हाँसो रोकिएन । नीति तथा कार्यक्रममा काव्यात्मक रुपमा नारा बनाइएकाले राष्ट्रपतिको हाँसो नरोकिएको हो । सरकारको गएको वर्षको नीति तथा कार्यक्रम पनि यस्तै काव्यात्मक थियो ।

गएको वर्ष सरकारको नीति तथा कार्यक्रममा ‘देशको कुनै पनि भुभाग, कुनै पनि समुदाय वा व्यवसायका जनता पछि परे भने नेपाल विकसित भयो, अघि बढ्यो भन्न सकिँदैन । एक जना मात्र नेपाली भोकै रह्यो भने सबै नेपालीले खाएका छन् भन्न सकिँदैन,’ भन्ने कुरा उल्लेख थियो । तर यो नीति तथा कार्यक्रममा मात्रै सीमित रह्यो । कयौँ नागरिक भोकै बस्नुपर्ने अवस्था कायमै छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्