शुक्रबारबाट युट्यूबमा नयाँ सिरिज ‘हजुर वरिष्ठ, हस् त नमस्ते’ !

वैशाख २६, २०७६ बिहीबार २०:२६:१४ | उज्यालो सहकर्मी

काठमाण्डाै - वरिष्ठको उपनामबाट दर्शकमाझ चिनिएका हास्यकलाकार शंकर आचार्यले नयाँ यूट्यूब सिरिज ल्याउने भएका छन् ।

चर्चित हास्य टेलिसिरियल ‘भद्रगोल’मार्फत वरिष्ठ उपनामबाट चिनिएका शंकरले त्यही नामलाई सिरिजको शीर्षक दिएका छन् । भद्रगोलमा ‘हजुर वरिष्ठ, हस् त नमस्ते’ थेगोबाट लोकप्रिय बनेका शंकरले भोलि शुक्रबारबाट सिरिज सुरुवात गर्न लागेका हुन् ।

‘हुन त मैले त्यसभन्दा अघि अन्य धेरै भूमिका निर्वाह गरेको थिएँ, तर दर्शकले वरिष्ठेलाई नै माया दिनुभएको छ । भद्रगोलबाट बाहिरिएपछि दर्शकको चाहना अनुरुप नै मैले यो सिरिज ल्याउने निर्णय गरेको हुँ, शंकरले भने ।

‘हजुर वरिष्ठ, हस् त नमस्ते’को हाल धमाधम छायांकन भइरहेको छ । यसअघि उनले थुप्रै टेलिचलचित्र तथा चलचित्रहरुमा काम गरिसकेका छन् । टेलिचलचित्र विषमा उनले खलपात्रको भूमिका निर्वाह गरेकाथिए । त्यस पात्रका माध्यमबाट पनि उनलाई धेरै दर्शकहरुले चिन्ने गरेका छन् । तर पछिल्लो केही समय भद्रगोलमा काम गर्न थालेपछि वरिष्ठेको नामबाट बढी चर्चामा आएका थिए । उनले भद्रगोलमा अभिनयसँगै निर्देशन पनि गर्दै आएका थिए।

आचार्यले आफ्नो वरिष्ठे इन्टरटेन्मेन्टको अफिसियल यूट्यूबच्यानलमार्फत हरेक शुक्रबार याे सिरिज प्रसारणा हुने जानकारी दिए । सिरिजमा आचार्यले वरिष्ठेकै भूमिका निर्वाह गरेका छन् । उनीसँगै नेपाल आइडलबाट चर्चामा आएका झक्कड थापा, मोफसलमा ‘मित्रे बा’ उपनामबाट लोकप्रिय बनेका हास्यकलाकार नवराज अधिकारी, शुशिला थापा (उर्बसी), यज्ञ बहादुर कटुवाल (चुप्पी डन) गितान्जली सुवेदी, अंकित भट्टराई, गोकुल सुबेदी लगायतका कलाकारहरुको अभिनय रहनेछ ।

३ हप्ताका लागि सिरिज छायांकन भइसकेको छ । सिरिज काठमाण्डौकै मुड्खु भन्ज्याङमा छायांकन गरिने आचार्यले बताए । सिरिजका लेखक, निर्देशक तथा निर्माता शंकर आँफै हुन् भने सह–निर्देशक ललित बिष्ट हुन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्