राष्ट्रकविको जन्मथलो पुस्तुनमा ‘माधवप्रसाद घिमिरे पार्क’ बन्दै

वैशाख ३०, २०७६ सोमबार १४:१६:१८ | श्यामशितल परियार

लमजुङ - मर्स्याङ्दी गाउँपालिका-६ पुस्तुनमा राष्ट्रकवि माधवप्रसाद घिमिरेको सम्मानमा ‘माधवप्रसाद घिमिरे पार्क’ निर्माण हुने भएको छ । नेपाली साहित्यमा राष्ट्रकवि घिमिरिले पुर्‍याउनुभएको योगदानको उच्च सम्मान गर्दै उहाँको जन्मथलो पुस्तुनमा पार्क निर्माण गर्न लागिएको हो ।

पार्क निर्माणका लागि गएको वर्ष गाउँपालिकाले पाँच लाख रुपैयाँ छुट्याएको थियो । यस वर्ष गाउँपालिकाले पाँच लाख रुपैयाँ छुट्याएको मर्स्याङ्दी गाउँपालिकाका उपाध्यक्ष होमबहादुर विकले जानकारी दिनुभयो । उहाँका अनुसार, अहिले पार्क निर्माणका लागि जग्गा सम्याउने र पर्खाल लगाउने काम भैरहेको छ । पार्क निर्माणमा स्थानीयले श्रमदान पनि गर्नेछन् ।

‘राष्ट्रकविको योगदानको सम्मानर्थका साथै साहित्यिक-पर्यटन प्रवर्द्धनका लागि राष्ट्रकविको नाममा उहाँकै जन्मथलोमा पार्क निर्माण गर्न लागिएको हो’, उपाध्यक्ष विकले भन्नुभयो ।

राष्ट्रकवि घिमिरेको वि.सं. १९७६ असोज ७ गते लमजुङको साविक बाहुनडाँडा गाविसको पुस्तुन भन्ने ठाउँमा जन्म भएको हो । उहाँले कवितासँगै साहित्यका अन्य विधामा पनि कलम चलाउनुभएको छ । उहाँले गीत, नाटक, खण्डकाव्य पनि लेख्नुभएको छ ।

घिमिरेका कविताहरुले सिङ्गो देशको र जनजनको भोगाइ बोल्ने गर्दछ । त्यसैले पनि घिमिरे नेपालीहरुको मनमा हुनुहुन्छ । लमजुङलाई राष्ट्रकविको जिल्ला भनेर चिनिदाँ सिङ्गो लमजुङबासी गर्व महसुस गर्छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्