मेरो भाइले कुवेत जान दलाललाई साढे सात लाख बुझायो

 वैशाख ३१, २०७६ मंगलबार १६:४१:४९ | मेरो कथा मेरो भोगाई

एकवाल अहमद, सुनसरी ।

म मदरसामा पढाउँछु । मेरो भाइ अयुव मिया भने घर बनाउने काम गथ्र्यो । गारो लगाउनेदेखि प्लास्टर गर्नेसम्मको काम गर्न जानेको छ । उसलाई इनरुवा ७ का एजेन्ट पर्वेज अलामले कुवेतबाट भिसा ल्याइदिन्छु भने ।

मेरो भाइले कुवेत जानका लागि एक पटक तीन लाख ५० हजार र एकपटक चार लाख रुपैयाँ उसलाई बुझायो । अहिले दुई महिना भयो कुवेत पुगेको । आजाद भिसामा गएकाले त्यहाँ काम मिलाउँदै छ भनेको छ । काम गर्न थालेको छैन । विदेश जान कति पैसा लाग्छ भन्ने पनि थाहा थिएन । विदेश जाने भनेपछि उसले मागे अनुसारकै पैसा दिएको हो । 

जमिन कृषि विकास बैंकमा राखेर पाँच लाख रुपैयाँ निकालेको छ । अरु पैसा सय कडा तीनको ऋण हो । बैंकको त ब्याज ठिकै हुन्छ होला । तर यहाँ साहुको ऋणको ब्याज थुप्रो भइसक्यो ।

भाइले कहिले कमाएर तिर्छ भन्ने के थाहा र ! अब जमिन बेचेर तिर्ने योजना छ । कमाउन गएको छ, कमाएर आउला । तर उसले कमाउञ्जेल त यहाँ धेरै ब्याज हुने भयो । 

पहिले त हामीलाई विदेश जान कति पैसा लाग्छ भन्ने पनि थाहा भएन । दलालले आजाद भिसामा जानका लागि अरु भिसामा भन्दा धेरै पैसा लाग्छ भन्यो । त्यही भएर त्यति धेरै रकम दिएको ।

अहिले आएर बुझ्दा त्यति धेरै रकम नचाहिने रहेछ । हामी त ठगीमा परेछौं भन्ने थाहा भएको छ । अब पैसा दिइसकियो । अर्को विकल्प पनि केही छैन । भाइले राम्रो काम पाएर कमायो भने ठिकै छ । तर कमाइ भएन  र काम पाएन भने न्याय खोज्न जान्छु ।

दलाललाई कारबाहीको माग गर्छु । पहिलो जानेको भए त यतिका पैसा फसाउन नपर्ने रहेछ नि । जानकारीको अभावमा दलालले ठगेको कुरा बल्ल थाहा भएको छ ।

अन्तिम अपडेट: पुस १, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई