विश्वकपको ट्रफी उचाल्ने दाउमा न्यूजिल्याण्ड

जेठ ३, २०७६ शुक्रबार २०:२०:३६ | उज्यालो सहकर्मी

न्यूजिल्याण्डले अहिलेसम्म विश्वकपको ट्रफी उचाल्न सकेको छैन । उसले आउँदाे जुन १ तारिखमा श्रीलंकाविरुद्ध खेल्दै आईसीसी विश्वकप २०१९ को सुरुआत गर्नेछ ।

न्यूजिल्याण्ड विश्वकपमा ६ पटक सेमिफाइनलमा पुगेको थियो भने २०१५ को फाइनलमा अस्ट्रेलियासँग पराजित भएपछि पहिलो पटक उपाधि जित्ने धोको पूरा गर्न सकेन ।

केन विलियमसनको नेतृत्वमा रहेको न्यूजिल्याण्ड पहिलो पटक उपाधि जित्ने धोको पुरा गर्ने दाउमा हुनेछ ।

मार्टिन गप्टिल

न्यूजिल्याण्डका उत्कृष्ट ब्याट्सम्यान मार्टिन गप्टिलले १६९ एक दिवसीयमा ६ हजार ४ सय ४० रन बनाएका छन् । जसमा उनका तीन वटा शतक पनि सामेल छन् । अघिल्लाे विश्वकपमा उनले दोहोरो शतक बनाएर रेकर्ड पनि बनाएका थिए ।

केन विलियमसन

टीमका सबैभन्दा अनुभवी खेलाडी हुन् केन विलियमसन । उनको काँधमा पनि पहिलो पटक विश्वकप जिताउने अभिभारा हुने छ । उनले १३९ एक दिवसीयमा ५ हजार ५ सय ५५ रन बनाएका छन् । जसमा ११ शतक तथा ३७ अर्धशतक सामेल छन् ।

रस टेलर

रस टेलर पनि अनुभवी खेलाडी हुन् । न्यूजिल्याण्डका लागि २१८ एकदिवसीय क्रिकेटमा उनले ४८।३२ को स्ट्राइक रेटमा ८ हजार २६ रन बनाएका छन् । जसमा २० शतक र ४७ अर्धशतक समेत छन् ।

ट्रेन्ट बोल्ट

बोल्टले न्यूजिल्याण्डको मुख्य बलिङ लाइन अपको नेतृत्व गर्ने छन् । बायाँ हाते बलर बोल्टले ७९ एकदिवसीय क्रिकेटमा १४७ विकेट हात पारेका छन् । उनको बलिङ स्पीडका कारण ब्याट्सम्यानहरुलाई खुलेर खेल्न भने समस्या हुनेछ । उनी स्विङका पनि महारथी नै हुन् ।

काेलिन मनरो

३२ वर्षीय काेलिन मनरो न्यूजिल्याण्डका सफल ब्याट्सम्यान हुन् । उनी टीमका लागि छिटो रन बनाउन उपयोगी हुने अपेक्षा गरिएको छ । उनले ५१ एक दिवसीयमा ७ अर्धशतकसहित ११ हजार ४६ रन बनाएका छन् ।

टिम साउदी

दायाँ हाते तीव्र गतिका बलर हुन् टिम साउदी । उनले १३९ एकदिवसीय क्रिकेटमा १८५ विकेट लिएका छन् । उनी न्यूजिल्याण्डको टिमका तीव्र गतिमा ट्रेन्ट बोल्टलाई साथ दिनेछन् ।

यस्ताे छ अहिलेसम्म विश्वकपमा न्यूजिल्याण्डको प्रदर्शन

१९७५, १९७९, १९९२, १९९९, २००७ र २०११ मा सेमिफाइनल । १९९५ मा क्वार्टरफाइनल, २००३ सुपर सिक्स, १९९३ र १९८७ मा समूह चरणबाटै आउट । २०१५ मा फाइनलमा अस्ट्रेलियासँग पराजित ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्