जात्रै जात्राले कमायो २ दिनमा २ करोड

जेठ ५, २०७६ आइतबार १२:१९:२३ | उज्यालो सहकर्मी

काठमाण्डाै – शुक्रबारदेखि देशभर प्रदर्शनमा आएको सिनेमा जात्रै जात्राले देशैभर आक्रामक कारोबार गरिरहेको छ । सिंगलको तुलनामा मल्टिप्लेक्समा सिनेमाको कारोबार अक्रामक छ ।

शुक्रबारदेखि नै आक्रामक कारोबार गरिरहेको सिनेमाको शनिबार काठमाण्डौका सिभिल, जय नेपाल, कुमारी, बिग मुभिज, छाया सेन्टर, ललितपुरको लबिम मललगायतका हलहरुमा दर्शकको चाप ९५ देखि १०० प्रतिशत रह्यो ।

काठमाण्डौ बाहिरका चितवन, पोखरा लगायतका स्थानमा पनि दर्शकको चाप उच्च छ ।

सिनेमाले दुई दिनमै झण्डै २ करोडको कारोबार गरिसकेको छ । सिनेमाको माउथ पब्लिसिटी र समीक्षालाई हेर्ने हो भने कारोबारमा रेकर्ड राख्ने देखिन्छ ।

सिनेमालाई दर्शकले दिएको माया देखेर निर्माण टिम दंग परेको छ । अभिनेत्री वर्षा राउतले शुक्रबार र शनिबार सिनेमालाई मिलेको प्रतिकृयाले आफू निकै नै खुशी रहेको बताएकी छिन् ।

उनले आफूहरुले गरेको मिहिनतेलाई दर्शकले पनि मन पराईदिएको भन्दै खुशी व्यक्त गरिन् । उता हल भिजिटमा पुगेका सिनेमाका मुख्य कलाकार विपिन कार्कीले पनि दर्शकले नसोचेको माया दिएको बताए ।

सिनेमाको व्यापार मात्र आक्रामक होइन, दर्शकले समेत सिनेमालाई निकै नै राम्रो भएको प्रतिक्रिया दिएका छन् । सिनेमा हेरिसकेका अधिकांश दर्शकले सिनेमा उत्कृष्ट बनेको भन्दै ५ मा ४.५ रेटिङ दिएका छन् ।

धेरैले यो सिनेमा जात्रैजात्रा भन्दा उत्कृष्ट बनेको प्रतिकृया दिएका छन् । पैसाको कथा बोल्ने सिनेमा जात्राको सिक्वेल जात्रै जात्राले सुनको कथा भन्छ ।

निर्देशक भट्टराईले आफूहरुले सिनेमाको सिक्वेल बनाउन निकै नै मिहिनेत गरेको बताउँदै सिनेमा हेरेर दर्शकले दिएको प्रतिकृयाबाट खुशी मिलेको र सिनेमाले लामो समयसम्म दर्शकको साथ पाउनेमा आफू विश्वस्त रहेको बताए । अधिकांश दर्शकले लामो समयपछि निकै नै उत्कृष्ट चलचित्र हेर्न पाएको बताएका छन् ।

सिनेमामा विपिन कार्की, वर्षा राउत, दयाहाङ राई, रविन्द्र झा, रविन्द्र सिंह बानिया, प्रियंका झा लगायतका कलाकारको मुख्य भूमिका छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्