कर्नाटकमा बीजेपीलाई झट्का : भोलि सदनमा बहुमत सिद्ध गर्न सर्वोच्चको आदेश

जेठ ४, २०७५ शुक्रबार १५:४३:२० | उज्यालो सहकर्मी

जेठ ४ – भारतको सर्वोच्च अदालतले शनिबार बेलुका ४ बजे कर्नाटकमा भारतीय जनता पार्टी(बीजेपी) सरकारलाई सदनमा बहुमत सावित गर्न आदेश दिएको छ ।

कर्नाटक विधानसभामा कसैले पनि बहुमत प्राप्त नगरेपछि राज्यपालले बीजेपीलाई सरकार बनाउन निम्तो दिएका थिए । १०४ सिटमा जित हात पारेको बीजेपीका तर्फबाट बीएस येदियुरप्पाले सपथ लिइसकेका छन् ।

कर्नाटकका २२४ सिटमध्ये २२२ सिटमा चुनाव भएको थियो ।

कांग्रेसले ७८ तथा जनता दल सेक्युलर(जेडीएस) ले ३७ सिटमा जित हात पारेको छ । ३७ सिटमा जित हात पारेको जेडीएसलाई कांग्रेसले सरकार बनाउन समर्थन गरेको छ । राज्यपालको निम्ताअनुसार बीजेपीले सरकार बनाएपछि कांग्रेस र जेडीएस अदालतको ढोका ढकढकाउन पुगेको थियो ।

सर्वोच्च अदालतले येदियुरप्पाको सपथमा रोक तथा लगाएन तर सुनुवाई जारी राख्ने फैसला गर्यो ।

शुक्रबार बेलुका फ्लोर क्रस भएन भने जेडीएसका नेता एचडी कुमारस्वामीले बहुमत सदस्यको समर्थन पाउने निश्चितजस्तै छ । त्यस्तोमा येदियुरप्पा मात्रै तीन दिनका लागि कर्नाटकको मुख्यमन्त्री हुनेछन् । साथै कांग्रेस र जेडीएसले बीजेपीले आफ्ना सांसदहरु किन्ने प्रयास गरिरहेको आरोप पनि लगाउँदै आएका छन् ।

अन्तिम अपडेट: माघ ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्