प्रदेश तीनको बजेट बहुमतले पारित

असार १९, २०७५ मंगलबार २०:३७:२१ | हरि हुमागाईं

मकवानपुर – तीन नम्बर प्रदेश सरकारले ल्याएकोे आर्थिक वर्ष २०७५–२०७६ को बजेट बहुमतले पारित भएको छ ।

आउँदो आर्थिक वर्षका लागि ल्याइएको राजस्व र खर्चको अनुमानित बजेट आजको संसद बैठकले बहुमतले पारित गरेको हो । आउँदो आर्थिक वर्षका लागि सरकारले ल्याएको विनियोजित विधेयक पनि बहुमतले पारित गरिएको सभामुख सानुकुमार श्रेष्ठले संसदमा घोषणा गर्नुभयो ।

दुवै विधेयकलाई पारित गर्नका लागि तीन नम्बर प्रदेशका आर्थिक मामिला तथा योजना मन्त्री कैलाश ढुंगेलले प्रस्तुत गरेको प्रस्तावको पक्षमा नेकपाका सांसदहरु देखिएका थिए । कांग्रेससहितका अरु दलका सांसदले भने खर्च कटौती प्रस्ताव पेश गरेका थिए । तर ती सबै प्रस्ताव असफल भएका छन् ।

प्रदेश सरकारले गत असार १ गते प्रदेशसभाको बैठकमा आव २०७५÷७६ का लागि रु ३५ अर्ब ६१ करोड २६ लाखको आयव्ययको अनुमानित बजेट सार्वजनिक गरेको थियो ।

बजेटमा प्रदेशका १३ जिल्लामा राष्ट्रिय गौरवको आयोजनाको निर्माण क्रममा सर्वे गर्ने, शिक्षा, स्वास्थ्य, खानेपानी, पर्यटकीय स्थल, उद्योगको विस्तार एवम् प्रादेशिक लोक सेवा आयोगको स्थापना गर्ने विषयमा बजेटले समेटेको आर्थिक मामिला तथा योजना मन्त्रालयले जोड दिएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्