जात्रै जात्रा हेर्ने दर्शक बढे, क्यूएफएक्समा थपियो शो

जेठ १७, २०७६ शुक्रबार १४:५०:५७ | उज्यालो सहकर्मी

काठमाण्डाै - प्रदीप भट्टराईको निर्देशन रहेको सिनेमा जात्रै जात्रा आज शुक्रबारदेखि प्रदर्शनको तेस्रो सातामा प्रवेश गरेकाे छ ।

तेस्रो सातासम्म आइपुग्दा पनि ‘जात्रै जात्रा’ले मल्टिप्लेक्समा उच्च व्यापार गरिरहेको छ भने सिनेमा हेर्ने दर्शककको चाप उच्च भएका कारण मल्टिप्लेक्समा शो पनि थपिएको छ ।

तेश्रो हप्तामा सिनेमाको व्यापार कम हुँदै जाने र शो पनि घट्दै जाने हुन्छ । तर, काठमाण्डौको क्यूएफएक्स चेनमा यो सिनेमाले तेस्रो साताको शुक्रबार देखि २१ शो पाएको छ । यो प्रदर्शनमा आएको शुक्रबारको भन्दा २ शो बढी हो ।

यो साता एकसाथ तीनवटा सिनेमा प्रदर्शनमा आउने भएका छन् । तर ती सिनेमाको प्रचार प्रसार खासै गरिएको छैन । यहि कारण पनि क्यूएफएक्समा ‘कुम्भ करण’ले मात्र ३ शो पाएको छ ।

अरु सिनेमाले क्यु एफएक्समा शो पाएका छैनन् । यसको फाइदा सिनेमा जात्रै जात्रालाई भएको छ ।

विपिन कार्की, वर्षा राउत, रविन्द्र सिंह बानियाँ, रविन्द्र झा, राजाराम पौडेल, दयाहाङ राई, प्रियंका झा लगायतका कलाकारको मुख्य भूमिका रहेको सिनेमाले सुन काण्डको कथालाई रोचक तरिकाले प्रस्तुत गरेको छ । यो सिनेमा जात्राको सिक्वेल हो । जात्रामा पैसाको कथा प्रस्तुत गरिएको थियाे ।

उज्यालाे र गफगाफ डट कमकाे सहकार्य

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्