प्रधानमन्त्री ओली स्वदेश फिर्ता

 जेठ १७, २०७६ शुक्रबार १९:१४:५० | उज्यालो सहकर्मी
unn.prixa.net

फाइल फाेटाे

काठमाण्डौ – भारतका नवनिर्वाचित प्रधानमन्त्री नरेन्द्र मोदीको सपथ कार्यक्रममा भाग लिन बिहीबार दिल्ली पुग्नुभएका प्रधानमन्त्री केपी शर्मा ओली शुक्रबार स्वदेश फर्कनुभएको छ ।

नेकपाका अध्यक्षसमेत रहनुभएका प्रधानमन्त्री ओलीलाई स्वागत गर्न सभामुख कृष्णबहादुर महरा, उपप्रधान तथा रक्षामन्त्री ईश्वर पोखरेल, गृहमन्त्री रामबहादुर थापा, नेकपाका नेता सुवास नेम्वाङसहित उच्च अधिकारीहरु पुगेका थिए । 

प्रधानमन्त्रीसँगै धर्मपत्नी राधिका शाक्य, प्रधानमन्त्रीका विदेश मामिला सल्लाहकार डा. राजन भट्टराई, परराष्ट्र सचिव शंकरदास बैरागी, परराष्ट्रको दक्षिण एसिया डिभिजन प्रमुख यज्ञ हमाललगायतको टोली सपथ कार्यक्रममा बिहीबार दिल्ली गएको थियो ।  

प्रधानमन्त्री ओलीले स्वदेश फर्कनुअघि शुक्रबार बिहान हैदराबाद हाउसमा भारतीय समकक्षी मोदीसँग भेटवार्ता पनि गर्नु भएको थियो । त्यसक्रममा प्रधानमन्त्री ओलीले समकक्षी मोदीलाई रुद्राक्षको माला उपहार दिँदै नेपाल भ्रमणको निम्तो पनि दिनुभएको थियो । 

बिहीबार अपरान्ह दिल्ली जानुभएका प्रधानमन्त्रीसहितको टोली शुक्रबार अपरान्ह स्वदेश फर्केको हो । विदेश भ्रमणबाट फर्कँदा सँधैजसो विमानस्थलमै पत्रकार सम्मेलन गर्ने प्रधानमन्त्री ओलीले यस पटक भने पत्रकार सम्मेलन गर्नुभएन । 

भारतमा कुनै सहमति तथा सम्झौताका लागि नभई नवनिर्वाचित प्रधानमन्त्रीको सपथ कार्यक्रममा सहभागी हुन गएको भएर पनि फर्कँदा पत्रकार सम्मेलन नगरिएको नेकपाका नेताहरु बताउँछन् । 

अहिले नेकपाका अर्का अध्यक्ष पुष्पकमल दाहाल प्रचण्डले एक वर्षअघि पार्टी एकीकरणका बेला गरिएको सहमति खुलाएपछि त्यसबारे बहस भइरहँदा पत्रकारहरुले त्यसैबारेमा प्रश्न सोध्ने ठानेर पत्रकार सम्मेलन नगरिएको बुझिएको छ ।  

अन्तिम अपडेट: माघ ६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

यू–१९ महिला विश्वकप : अष्ट्रेलियाले स्कटल्याण्डलाई हरायो

२

भारतको कोलकातामा महिला चिकित्सकको बलात्कार र हत्याको घटनामा एक जना दोषी ठहर

३

अमेरिकामा टिकटकमाथि प्रतिबन्ध लगाउने पक्षमा सर्वोच्चको फैसला

४

युगान्डालाई हराउँदै नेपालकाे महिला टोली खो–खो विश्वकपको फाइनलमा

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई