पाकिस्तानी प्रधानमन्त्री इमरान खानले सर्पको छालाबाट बनेको चप्पल लगाउन नपाउने

जेठ २०, २०७६ सोमबार १८:२७:१० | एजेन्सी

पाकिस्तानी प्रधानमन्त्री इमरान खानले अब सर्पको छालाबाट बनेको 'पेशावरी चप्पल' लगाउन पाउने छैनन् ।

खैबर पख्तुन्ख्वा प्रान्तको वन्य जीव विभागले छापा मार्दै एक जुत्ता पसलबाट सर्पको छालाबाट बनेको चप्पल बरामद गरेको स्थानीय सञ्चारमाध्यमहरुले जनाएका छन् । बरामद गरिएको चप्पल प्रधानमन्त्री इमरान खानलाई बधाईका रुपमा दिन तयार पारिएको थियो ।

डन समाचार पत्रका अनुसार, वन्य जीव विभागका अधिकारीले अफगान चप्पल हाउस नामको जुत्ता पसलमा छापा मारेर सर्पको छालाबाट बनेको चप्पल बरामद गरेका हुन् । यद्दपि पसलका मालिक नुरुद्दीन सिनवारीले आफ्नो बचाउ गर्दै सापको छाला दुई जोडी कप्तान चप्पल बनाउनका लागि अमेरिकाबाट आएको बताएका छन् ।

‘मलाई सर्पको छाला दिने व्यक्तिले एक जोडी चप्पल आफ्नो लागि र अर्काे जोडी चप्पल प्रधानमन्त्री इमरान खानको लागि बनाउन भनेका थिए’, पसलका मालिक सिनवारीले भने ।

पख्तुन्ख्वा प्रान्तका पर्यावरणमन्त्री इस्तिआक उमरले सर्पको छालाबाट चप्पल बनाउने काम पूर्ण रुपमा गैरकानुनी मानिने बताएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्