शीतलको हत्या गर्ने दुई जनालाई प्रहरीले गर्‍यो सार्वजनिक

जेठ २०, २०७६ सोमबार १९:३०:५९ | उपेन्द्र येक्तेन

पाँचथर – १५ वर्षीया किशोरी शीतल योङहाङको घाँटी रेटी हत्या गरेको अभियोगमा पक्राउ परेका दुई जना अभियुक्तलाई पाँचथर प्रहरीले सार्वजनिक गरेको छ ।

हिलिहाङ गाँउपालिका–४, पञ्चमीकी शीतलको गएको वैशाख २९ गते साँझको समयमा हत्या गरेको आरोपमा पक्राउ परेका १९ वर्षीय पदम तामाङ र भगिरथ बाँस्तोलालाई प्रहरीले सोमबार सार्वजनिक गरेको हो ।

शीतलको हत्या भएको अर्काे दिन वैशाख ३० गते फिदिमबाट पक्राउ परेका बाँस्तोला र आइतबार झापाको दमकबाट पक्राउ परेका तामाङलाई प्रहरीले सार्वजनिक गरेको हो । पक्राउ गरी प्रहरीले सार्वजनिक गरेकामध्ये तामाङ घटनाको मुख्य योजनाकार तथा बाँस्तोला सहयोगी रहेको पाँचथरका प्रहरी प्रमुख प्रहरी नायब उपरीक्षक नरेन्द्र कुवँरले बताउनुभयो ।

पदम र शीतलबीच प्रेम सम्बन्ध रहेको र सम्बन्धमा खटपट आएपछि दुईजना मिलेर शीतलको हत्या गरेका प्रहरीको अनुसन्धानबाट खुलेको छ । पक्राउ गरी सार्वजनिक गरिएका दुवै जना जिल्लाको फाल्गुनन्द गाउँपालिका–२ पात्लेभञ्ज्याङका हुन् । पक्राउ परेका दुवै जनाले हत्या गरेको स्वीकारेका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्