इदको अवसरमा नेपालगञ्जमा सामूहिक नमाज (फोटो फिचर)

जेठ २२, २०७६ बुधबार १२:१४:६ | गोविन्द शर्मा

बाँके – इस्लाम धर्मावालम्वीहरुको पवित्र महिना रमजानको अन्तिम दिन नेपालगञ्जमा बुधबार सामूहिकरुपमा नमाज पढेका छन् ।

नेपालगञ्जको बीपी चोकमा हजारौँ मुस्लिम समुदायले देशमा अमन चयन र शान्तिको कामना गर्दै सामूहिक नमाज पढेका हुन् । मुस्लिम समुदायको बाक्लो बसोबास रहेको बाँकेमा इद उल फित्रको रौनक छ ।

शहरी विकास मन्त्री मोहम्मद इश्तियाक राई सर्वसाधारणसँगै इदगाहमा नमाज पढ्नुभयो । इदको शुभकामना आदानप्रदानका लागि गैर मुस्लिम धर्मावलम्बीहरु इदगाह पुगेका थिए ।

हिजरी संवतको ८ औं महिना रजबुल मुरज्जबको समाप्तिको भोलिपल्टदेखि रमजानुल मुबारकको महिना सुुरु हुन्छ । अन्तिम दिन इदको रुपमा मनाइन्छ ।रमजानको महिनामा इस्लाम धर्मावलम्बीहरु बिहान सूर्य उदाएपछिदेखि सूर्यास्त नहुँदासम्म प्रत्येक दिन एक महिनासम्म केही नखाइकन ब्रत बस्ने गर्छन् ।

इदको अवसरमा इस्लाम समुदायको घरमा मिठामिठा परिकारहरु बनाएर खाने र खुवाउने प्रचलन रहेको छ । यतिबेला नेपालगञ्जमा गला मिलाएर इदको शुभकामना आदानप्रदानको कार्यक्रम भैरहेको छ ।

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्