विश्वकप क्रिकेट:वर्षाका कारण भारत र न्युजिल्याण्डबीचकाे खेल रद्द, अंक बाँडियाे

जेठ ३०, २०७६ बिहीबार २०:८:९ | उज्यालो सहकर्मी

आईसीसी एक दिवसीय विश्वकप अन्तर्गत भारत र न्युजिल्याण्डबीचको खेल वर्षाका कारण रद्द भएको छ ।

नटिङघमको ट्रेन्ट ब्रिजमा हुनुपर्ने खेल लगातार वर्षा भएपछि टस नै नभइ रद्द गरिएको हो ।खेल रद्ध भएपछि दुवै टिम एक-एक अंक बाँड्न बाध्य भएका छन् । एक अंक जोडेको न्युजिल्याण्ड ४ खेलबाट ७ अंकसहित राउण्ड रोबिन प्रणालीमा जारी विश्वकपको शीर्ष स्थानमा यथावत छ ।

भारत भने ३ खेलमध्ये दुई वटामा जित र एउटामा अंक बाँडेर ५ अंकसहित तालिकाकाे तेस्राे स्थानमा छ । वर्षाका कारण दुवै टोलीले अपराजित यात्रालाई कायमै राखेका छन् । दुवै टोली जारी विश्वकपमा अहिलेसम्म पराजित भएका छैनन् ।

भारतले यसअघिका खेलमा दक्षिण अफ्रिका र अष्ट्रेलियालाई पराजित गरेको थियो भने न्युजिल्याण्डले श्रीलंका, बंगलादेश र अफगानिस्तानलाई पराजित गरेको थियाे।

विश्वकपमा अर्को खेल भारतले आइतबार पाकिस्तानसँग खेल्नेछ भने न्युजिल्याण्डले बुधबार दक्षिण अफ्रिकाविरुद्ध खेल्नेछ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्