मिटर किनेको तीन महिना भयो प्राधिकरण तार जोड्न मान्दैन

जेठ ५, २०७५ शनिबार १८:५२:४८ | सुजता सुनुवार

इलाम , जेठ ५ – मिटरबक्स किनेको तीन महिना बित्दा समेत विद्युत प्राधिकरणले बिजुलीको तार नजोडिदिँदा इलामको माई नगरपालिका–१, दानाबारीका स्थानीयबासिन्दालाई समस्या भएको छ ।

७० परिवारले मिटर जडान गरेर बिजुली बाल्न खोज्दा समेत विद्युत प्राधिकरणले नदिएको स्थानीयवासी सुवर्ण राईले गुनासो गर्नुभयो । पटकपटक अनुरोध गर्दा पनि विद्युत प्राधिकरणका कर्मचारीले बिजुली चुवावट हुन्छ भन्दै मिटर जडान गर्न नमानेको उहाँले बताउनुभयो । मिटर जडान नहुदा माईको खमारे, खर्बनी र टिम्बुरे टोलका ७० घरपरिवार उज्यालोबाट बञ्चित भएका हुन् ।

माइनगरपालिका–१, का केही घरमा मिटर नै जडान नगरी बिजुली चोरेर बाल्ने गर्दा पनि प्राधिकरणले केही गरेको छैन । तर मिटरबक्समा जोडेर बिजुली बाल्न खोज्दा अनेकौ वहाना बनाएर मिटर जडानमा ढिलाई गरिएको स्थानीयवासिन्दाहरु बताउँछन् ।

मिटर किनेको तीन महिना बित्यो, नगरपालिकाका प्रमुखलाई पनि गुनासो सुनायौं, राइले भन्नुभयो, विजुली बाल्न घर र जग्गाको धनिपुर्जा राखेर मिटर किने, तर अहिले थन्क्याएर बसेका छौं ।’

नेपाल विद्युत प्राधिकरण प्युज सेवा दानाबारीका इन्चार्ज गणेश विश्वकर्माले भने विजुली चोरी हुने आशंकाले मिटर जडान नगरिएको बताउनुभयो । एक टोलमा ३० घरमात्र रहेको र केही घरमा मात्र मिटर जोड्दा बाँकी घरले विजुली चोरी गर्न सक्ने भएकाले मिटर जडान नगरिएको र अरु मिटर थप गर्ने पहल भईरहेको उहाँले बताउनुभयो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्