फ्रान्स र नर्वे फिफा महिला विश्वकपको अन्तिम १६ मा

असार ३, २०७६ मंगलबार ७:८:४० | उज्यालो सहकर्मी

फ्रान्स र नर्वे फिफा महिला विश्वकपको नकआउट चरणमा पुगेको छ । समूह चरणको अन्तिम खेलमा फ्रान्सले नाइजेरियालाई हरायो भने नर्वेले दक्षिण कोरियालाई निराश पार्‍यो ।

फ्रान्सले नाइजेरियालाई १–० ले हरायो । विवादास्पद खेलमा फ्रान्सले दुई पटक पेनाल्टी हान्ने मौका पाएको थियो । भिभियान असेईलाई फल गरेका कारण फ्रान्सले पेनाल्टी पाएको थियो । यो पेनाल्टी पोस्टमा लाग्न पुग्यो । तर नाइजेरियाकी गोलकिपर चियामाका सिट्ठी बज्नुभन्दा नै अघि बढेपछि फ्रान्सले अर्को पटक पेनाल्टी हान्ने मौका पायो । जसलाई रेनार्डले गोलमा परिणत गरिन् ।

पराजयको बाबजुत नाइजेरियाको नकआउट चरणमा पुग्ने आशा अझै कायमै छ । उत्कृष्ट उपविजेताका रुपमा नाइजेरिया प्रिक्वार्टर फाइनलमा पुग्न सक्नेछ । शतप्रतिसत जित निकाल्दै फ्रान्स समूह एको विजेता बनेको छ ।

एसियाली टिम दक्षिण कोरिया एउटा पनि खेल नजिति घर फर्किएको छ । अन्तिम खेलमा दक्षिण कोरिया नर्वेसँग २–१ ले पराजित भयो । नर्वेविरुद्ध हानेको यही गोल नै दक्षिण कोरियाको पहिलो तथा अन्तिम गोल बन्न पुग्यो । उसले कुल आठ गोल खाएको छ ।

नर्वेले दुवै गोल पेनाल्टीमा गरेको थियो । खेलको पाचौं मिनेटमा क्यारोलिजन ह्यान्सेन र ५१औं मिनेटमा इसाबेल हलोभ्सेनले पेनाल्टीमा गोल गर्दै नर्वेलाई दुई गोलको अग्रता दिलाए ।

यओ मिन जीले ७८ औं मिनेटमा गोल गर्दै दक्षिण कोरियालाई खेलमा फर्काइन् । तर थप गोल हुन नसक्दा दक्षिण कोरिया पराजित भयो भने नर्वे समूह उपविजेता बन्दै अन्तिम १६ मा पुग्यो ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्