रोकिराखेको एक्स्काभेटरमा आगजनी

असार ५, २०७६ बिहीबार १४:५४:३८ | उपेन्द्र येक्तेन

पाँचथर - मिक्लाजुङ गाउँपालिका–७, शान्तिचोक छेउको जङगलमा रोकेर राखिएको एक्स्काभेटरमा अज्ञात समूहले आगजनी गरेका छन् ।

राँके–भेडेटार सडकखण्डको कामको लागि रोकेर राखिएको एक्स्काभेटरमा गए राति १ बजे नचिनेका मानिसहरुकाे समूहले आगजनी गरेको इलाका प्रहरी चौकी रविका इन्स्पेक्टर रोमन अर्यालले बताउनुभयो ।

आगजनी गरिएको एक्स्काभेटर राँके–भेडेटार सडकखण्डमा काम गरिरहेको ज्वाला निर्माण सेवा काठमाण्डौकाे बा ३ ख ५६६ नम्बरको रहेको प्रहरीले बताएको छ । रातको समयमा विष्फाेटको आवाज सुनेर हेर्दा एक्स्काभेटरमा आगो लागिरहेको देखेपछि स्थानीयले प्रहरीलाई खबर गरेका थिए ।

एक्स्काभेटर आगजनी गरिएको ठाउँमा ‘टाइम बम छ’ भनेर लेखिएको कागज पनि भेटिएको तर त्यस्तो खतराजनक वस्तु नभेटिएको इन्स्पेक्टर अर्यालले बताउनुभयो ।

आगजनीबाट एक्स्काभेटर पूर्ण रुपमा जलेको छ । घटनाको बारेमा अनुसन्धान भइरहेको प्रहरीले जनाएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्