उपमेयरद्वारा नगरसभा बहिष्कार, कपिलवस्तु नगरपालिकाको बजेट पेस हुन सकेन

असार १०, २०७६ मंगलबार १५:५१:२८ | गोपाल भण्डारी

कपिलवस्तु – कपिलवस्तु नगरपालिकाको ५औँ नगरसभालाई उपमेयर लक्ष्मीदेवी गुप्ताले बहिष्कार गर्नु भएको छ ।

मेयर किरण सिंहले स्वेच्छाचारी ढंगबाट अघि बढेका कारण आफू बाध्य भई नगर सभालाई बहिष्कार गरेको उहाँले बताउनुभयो ।

उपमेयर गुप्ताले यसअघिको नगर कार्यपालिका बैठक पनि बहिष्कार गर्नु भएको थियो । नगरपालिकाका हरेक कार्यक्रमहरु एकलौटी ढंगबाट नगर प्रमुखले नै सञ्चालन गर्ने गरेको उहाँले आरोप लगाउनुभयो । ‘चालु आर्थिक वर्षमा महिला तथा बालबालिकाका क्षेत्रका सबै कार्यक्रमहरुमा मलाई उपेक्षा गरी मेयर सिंह अघि बढ्नु भएको छ’, उपप्रमुख गुप्ताले भन्नु भयो, ‘यसरी आफ्नो कुनै कुराको सुनुवाइ नभएपछि केका लागि नगर सभामा सहभागी हुने ।’

नगरसभाका बारेमा उपमेयर गुप्तालाई जानकारी भएको र उहाँ नआउनुको कारण आफूलाई थाहा नभएको मेयर सिंहले बताउनुभयो ।

उपमेयर गुप्ताको विरोधका कारण आजको नगरसभाले आगामी आर्थिक वर्षको बजेट तर्जुमा गर्न नसकी २० गते सम्मका लागि स्थगित गरिएको छ । नगरकै उपमेयरलाई समेट्न नसक्नु कार्यपालिका नेतृत्वको कमजोरी रहेको नगरसभा सदस्य दुर्गेश पाण्डेयले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्