शाहीद कपूरको ‘कबिर सिंह’ ले पाँच दिनमै कमायो १०० करोड

असार ११, २०७६ बुधबार २०:३६:११ | उज्यालो सहकर्मी

बक्सअफिसमा धमाकेदार सफलता हासिल गर्दै अभिनेता शाहीद कपूरको फिल्म ‘कबिर सिंह’ ले प्रदर्शनको पाँचदिन भित्रै १०० करोड क्लबमा प्रवेश गरेको छ ।

यो फिल्म शाहीद कपूरको करियरमा एकसय करोड कमाउने पहिलो सोलो फिल्म हो । दक्षिण भारतीय सुपरहिट फिल्म ‘अर्जुन रेड्डी’ को हिन्दी रिमेक हो कबीर सिंह । ‘अर्जुन रेड्डी’ का निर्देशक सन्दिप वागाले नै हिन्दी भर्जन ‘कबिर सिंह’ को निर्देशन गरेका हुन् ।

जून २१ मा प्रदर्शन भएको ‘कबिर सिंह’ ले प्रदर्शनको पहिलो दिन शुक्रबार २०.२१ करोड, शनिबार २२.७१ करोड, आइतबार २७.९१ करोड, सोमबार १७.५४ र मंगलबार १६.५३ करोड रुप्रयाँ कमाउँदै पाँचौँ दिनसम्म आइपुग्दा १०४.९० करोडको व्यापार गरेको छ । ‘कबीर सिंह’ ले बक्सअफिसमा गरिरहेको प्रदर्शनले बलिउड आश्चर्यमा छ । ‘कबिर सिंह’ ले हरेक दिन सफल प्रदर्शन गरिरहेको छ र यही गति कायम भए याे फिल्म सजिलै २०० करोड क्लबमा प्रवेश गर्नेछ ।

#KabirSingh cruises past ₹ 💯 cr... Shahid Kapoor scores his first *solo* century... Extraordinary trending on weekdays... Eyes ₹ 130 cr+ total in Week 1... Fri 20.21 cr, Sat 22.71 cr, Sun 27.91 cr, Mon 17.54 cr, Tue 16.53 cr. Total: ₹ 104.90 cr. India biz. BLOCKBUSTER.
— taran adarsh (@taran_adarsh) June 26, 2019

यस अघि सन् २०१९ मा प्रदर्शन भएका फिल्महरु मध्य सलमान खानको फिल्म ‘भारत’ ले प्रदर्शनको चौथो दिनमा, अक्षय कुमारको फिल्म ‘केसरी’ ले ७औं दिनमा, रणवीर सिंहको फिल्म ‘गली ब्वाय’ ले ८औं दिनमा र अजय देवगनको फिल्म ‘टोटल धमाल’ ले ९औं दिनमा १०० करोडको व्यापार गरेको थियो ।

यस अनुसार यस वर्ष प्रदर्शन भएका फिल्महरु मध्य सबैभन्दा छिटो १०० करोड कमाउने फिल्ममध्य सलमान खानको ‘भारत’ पहिलो र शाहीद कपूरको फिल्म ‘कबिर सिंह’ दोस्रो बनेको छ ।

तर सलमान खानको फिल्म ‘भारत’ ४७०० स्क्रीनमा रिलिज भएको थियो भने ‘कबिर सिंह’ ३१२३ स्क्रीन मात्रै पाएको थियो । यस सँगै शाहिद कपूरको फिल्मले रणबीर सिंह, अक्षय कुमार र अजय देवगनका फिल्मको भन्दा उत्कृष्ट प्रदर्शन गर्दै उनीहरुलाई पछि पारिदिएका छन् ।

‘कबिर सिंह’ लाई आम दर्शकको रिभ्यूले निकै लाभ भइरहेको छ । माउथ टू माउथ पब्लिसिटीका कारण दर्शकहरु फिल्म हेर्नका लागि फिल्महल पुगिरहेका छन् । यस अघि सलमान खानको फिल्म ‘भारत’ रिलिज भएको थियो तर सलमान खाले दर्शकमाझ खासै प्रभाव पार्न सकेनन् ।

तर शाहीद कपूरको ‘कबीर सिंह’ ले भने दर्शकहरुलाई हलसम्म तान्न सफल भइरहेको छ । शाहीद कपूर र कियारा अडवाणीको बेजोड अभिनयलाई युवाहरुले निकै रुचाइरहेका छन्।

उज्यालाेले तयार पारेकाे भिडियाे स्टाेरी हेेर्नुहाेस्ः

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्