एसीसी यू-१९ इस्टर्न रिजन च्याम्पियनसिपकाे उपाधि जित्नेमा सबै टिम विश्वस्त

असार १६, २०७६ सोमबार १७:११:१७ | उज्यालो सहकर्मी

काठमाण्डाै - एसीसी यू-१९ इस्टर्न रिजन च्याम्पियनसिपमा सहभागी तीन ओटै टिमका कप्तानले आफूहरुले उपाधि जित्ने दाबी गरेका छन् ।

मंगलबारबाट सुरु हुने प्रतियोगिताका लागि आयोजना भएको प्रिम्याच कन्फ्रेन्समा बोल्दै सात ओटै टिमका कप्तानहरुले आफूहरु मलेसिया उपाधि उचाल्नका लागि आएको बताए । प्रतियोगितामा म्यानमारले अन्तिम समयमा नाम फिर्ता लिएको थियो । चीनका कप्तानले यसपटक टिमले सरप्राइज नतिजा निकाल्ने बताए ।

यस्तै हङकङका कप्तानले आफूहरुले यो प्रतियोगिताका लागि चार महिनाको तयारी गरेको र पाँच दिन अगाडी मलेसिया आएर एउटा अभ्यास खेल पनि खेलेको बताए ।

नेपाली टिमका कप्तान रोहित पौडेलले दश दिनको तयारीका बाबजुद पनि टिमको लक्ष्य उपाधि नै रहेको र त्यसका लागि तयार रहेको बताए ।

प्रतियोगिताको समूह 'ए' मा नेपालसहित चीन र सिंगापुर रहेका छन् । सिंगापुरका कप्तानले आफ्नो टिम युवा खेलाडीले भरिएको रहे पनि सुखद नतिजाका लागि मलेसिया आएको बताए । यसका साथै उनले राम्रो टिमले उपाधि जित्नेमा विश्वस्त रहेको बताए ।

यो प्रतियोगिताको विजेताले श्रीलंकामा हुने यू-१९ एसिया कपमा सहभागिता जनाउने छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्