यूएईबाट घर बिदामा आएका बेला नविनलाई कार उपहार

असार २४, २०७६ मंगलबार ११:१५:४३ | उमाकान्त पाण्डे

यूएई – काठमाण्डौ थलीका नविन पाण्डे गएको हप्ता यूएईबाट बिदामा नेपाल फर्किनुभएको थियो । १० दिनको घर बिदामा रहेका बेला नविनको श्रीमती सरिताको मोबाइलमा यूएईको नम्बरबाट फोन आयो ।

फोन उठाउँदा ‘तपाईँहरुलाई बधाइ छ, नविन जीलाई यूएईमा कार उपहार परेको छ’ भनेको आवाज कानमा पर्‍यो । श्रीमान् घर विदामा आएका बेला यूएईबाट आएको फोनमा सुनेको कुरा एकछिन त सरितालाई पत्यार लागेन ।

‘फोनबाट कसैले ठग्न खोजेको पो हो कि’ भन्ने लाग्यो सरितालाई । फोनमा बोल्ने व्यक्तिले विश्वास दिलाउने प्रयास गरे ।

सरिता सुनिरहनुभयो । एक मनमा उहाँलाई सामाजिक सञ्जालमा विभिन्न उपहार परेको भन्दै ठगी गरेका खबरहरु सुनेको र पढेका झलझली याद आयो । तर यो खबर सत्य नै थियो । उहाँलाई फोन गर्ने यूएईको अल अहलिया एक्सचेन्जका नेपाल प्रमुख प्रतिनिधी बेनी ढकाल हुनुन्थ्यो ।

नविन घर बिदामा आएकाले यूएईको नम्बरमा फोन लागेन । त्यसपछि पैसा पाउने व्यक्तिको नम्बरमा एक्सचेन्जले फोन गरेको थियो । एक्सचेन्जले चलाएको समर ‘प्रोमोसन अफर’ अन्तर्गत पैसा पठाउनेमध्येबाट सोमबार भएको मेघा ड्रमार्फत नविनलाई कार उपहार परेको हो ।

बिदामा नेपाल जानुअघि उहाँले जुलाई १ मा दुबई अलकुजमा रहेको एक्सचेन्जको शाखाबाट श्रीमतीको नाममा नेपाल पैसा पठाउँदा यसपटक उहाँलाई कार उपहार पर्‍यो । नविनले ५ वर्षदेखि अल अहलिया एक्सचेन्जबाट नेपाल पैसा पठाउँदै आउनुभएको थियो ।

खबर नविनलाई पनि पत्याउन गाह्रो भयो

आफूलाई कार उपहार परेको खबर सुरुमा त नविनले पनि पत्याउनुभएन । विभिन्न माध्यमबाट चिठ्ठा परेको भन्दै यस् अघी पनि फोन र म्यासेज उहाँका मोबाइलमा आउने गरेकाले पत्याउन गाह्रो भए पनि एक्सचेन्ज प्रतिनिधिले पैसा पठाएको र उपहार पाएको आधिकारीक प्रमाणबारे जानकारी गराएपछि भने नविनलाई विश्वास भयो ।

झण्डै १५ लाख नेपाली रुपैयाँ बराबरको निशान सन्नीको कार पाएपछि नविनको परिवारमा यतिबेला खुशी चुलिएको छ । यो कारको मूल्य ५० हजार दिर्हाम अर्थात झण्डै १५ लाख रुपैपाँ पर्छ ।

नविन यूएई फर्किएपछि मात्रै कार हस्तान्तरण गरिने एक्सचेन्जले जनाएको छ । बिजेताले कारको सट्टामा नगद लिन चाहेमा कार कम्पनीसँगको सम्झौता अनुसार नगद लिन पनि सकिने छ ।

नविन ६ वर्षदेखि दुबईको रिटर्ज कार्टनल होटलमा कार्यरत हुनुहन्छ । भाइको विवाहका लागि उहाँ १० दिनको जरुरी बिदा लिएर नेपाल फर्किनुभएको हो ।

१ किलो सुन पाकिस्तानी नागरिकलाई

सोमबार दुबई शाखामा स्थानीय निकायका प्रतिनिधि र एक्सचेन्जका विभिन्न शाखाका प्रमुखहरुको उपस्थितिमा लक्की ड्र गरिएको थियो ।

एक्सचेन्जले मे ५ देखि जुलाई ३ तारिखसम्म आफ्ना ग्राहक लक्षित ‘समर प्रोमोसन’ योजना ल्याएको थियो । यो योजनमा एक किलो सुन र १० वटा कार उपहार राखिएको थियो । एक किलो सुन पाकिस्तानी नागरिकले पाएका छन ।

नेपाली नागरिक पाण्डेसहित अरु ५ जना भारतीय, पाकिस्तान, बंगलादेश, श्रींलका र फिलिपिन्सका एक, एक जनाले निशान कार जितेको एक्सचेन्जले जनाएको छ ।

यूएईमा रहेका विभिन्न रेमिट्यान्सको स्किममा अहिलेसम्म ४ जना नेपालीले उपहार पाएका छन् । कम्पनीका जनरल म्यानेजर कमल सुब्बाले वैधानिक बाटो प्रयोग गर्दा फाइदा हुने भन्दै सबैलाई वैधानिक तवरले पैसा पठाउन आग्रह गर्नुभयो ।

गएको वर्ष पनि यही योजना अन्तर्गत ईलाम ४ जमुनाका नरेन्द्र मगरले एक किलो सुन उपहार पाउनुभएको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्