कमला नदीले बगाएका एक जनाको शव भेटियो, २ जनाको उद्धार, ३ अझै बेपत्ता

असार २८, २०७६ शनिबार ११:३२:५३ | बाबुराम देवकोटा

सिन्धुली – लगातारको वर्षापछि सिन्धुलीको कमला नदीमा शुक्रबार राति आएको बाढीले बगाएकामध्ये एक जनाको शव भेटिएको छ । त्यस्तै कमला नदीले बगाएका दुई जनालाई सकुशल उद्धार गरिएको छ भने तीन जना अझै बेपत्ता रहेका छन् ।

सर्लाही जिल्ला घर भई मजदुरी गर्न हाल सिन्धुलीको दुधौली नगरपालिका–४ डकाहा बजार नजिक छाप्रो हालेर बस्दै आएका एकै परिवारका ५ जनालाई शुक्रबार कमला नदीमा आएको बाढीले बगाएको हो ।

बाढीले बगाएकामध्ये ३ वर्षीय कार्बन कापरीलाई बैरास्थित कमला नदीको बगरमा मृत अवस्थामा फेला पारिएको सिन्धुलीका प्रहरी प्रमुख(एसपी) चत्रबहादुर सिंहले जानकारी दिनुभयो । उहाँले १८ वर्षीय मिथुन कापरी र उहाँकी भाउजु २३ वर्षीया रेणु कापरीलाई सकुशल उद्धार गरिएको बताउनुभयो ।

उनीहरुको आमा मेमोरियल अस्पताल डकाहामा उपचार भइरहेको छ । रेणुको १ वर्षीया छोरा सर्जन, ७ वर्षीय छोरा आँधी र मिथुनको फुपु ६० वर्षीया मरणी कापरी नदीले बगाएर बेपत्ता अवस्थामा रहेका र उनीहरुको खोजी कार्य भइरहेको एसपी सिंहले जानकारी दिनुभयो ।

गोलाञ्जोर गाउँपालिका–५, खनियाखर्क नजिक शुक्रबार राति गएको पहिरोले बीपी राजमार्ग पुनः अवरुद्ध बनेको छ । पहिरो पन्छाउने प्रयास भइरहेको प्रहरीले बताएको छ । तीन दिनदेखि लगातार भइरहेको वर्षाले सिन्धुलीको जनजीवन अस्तव्यस्त नै बनाएको स्थानीय बासिन्दाले बताएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बाबुराम देवकोटा

बाबुराम देवकोटा सिन्धुलीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्