विश्वकै प्रशंसनीय व्यक्तिको सूचीमा बिल गेट्ससँगै एञ्जेलिना जोली र अमिताभ बच्चन पनि

साउन ३, २०७६ शुक्रबार २०:३२:४६ | उज्यालो सहकर्मी

विश्वभरिबाट सबैभन्दा धेरै प्रशंसा बटुल्ने व्यक्तिहरुको सूची सार्वजनिक गर्ने संस्था यूगभले यस वर्षको सबैभन्दा प्रशंसनीय व्यक्तिहरुको सूची सार्वजनिक गरेको छ ।यो सूचीमा विश्वका विभिन्न देशका राजनीतिज्ञ, व्यापारीदेखि कलाकारसम्मले आफ्नो स्थान बनाएका छन् ।

इन्टरनेट र डाटा मार्केटिङ्ग फर्म यूगभले अनलाइन भोेटिङका आधारमा यो सूची जारी गरेको हो । पुरुषतर्फ शीर्ष स्थानमा बिल गेट्स रहँदा दोस्रो स्थानमा अमेरिकाका पूर्व राष्ट्रपति बराक ओबामा रहेका छन् । यस्तै तेस्रो स्थानमा एक्सन सुपरस्टार ज्याकी च्यान रहेका छन् ।

यो सूचीमा बलिउडका अभिनेता अमिताभ बच्चन, शाहरुख खान र सलमान खानले पनि स्थान बनाएका छन् । अभिनेता अमिताभ बच्चन संसारभरबाट प्रशंसा बटुल्ने व्यक्तिहरुको सूचीमा १२ औँ स्थानमा परेका छन् । यस्तै अभिनेता शाहरुख खान १६ औँ स्थानमा रहँदा अभिनेता सलमान खान १८ औँ स्थानमा छन् ।

यसैगरी यूगभको सूचीमा महिलातर्फ शीर्ष स्थानमा अमेरिकी पूर्वरा ष्ट्रपतिकी पत्नी मिशेल ओबामा रहेकी छिन् । दोस्रो स्थानमा ‍ओप्रा विनफ्रे रहँदा तेस्रो स्थानमा हलिउड अभिनेत्री एञ्जेलिना जोली रहेकी छिन् । चौथो स्थानमा बेलायतकी महारानी एलिजावेथको नाम रहेकाे छ भने पाँचौ स्थानमा बेलायती अभिनेत्री एम्मा वाट्सन परेकी छिन् ।

यस सूचीमा बलिउड अभिनेत्री दीपिका पादुकोण, ऐश्वर्या राय, प्रियंका चोपडा र सुष्मिता सेनको नाम पनि रहेको छ । अभिनेत्री दीपिका पादुकोण १३ औँ स्थानमा रहेकी छिन् । दीपिकापछि अभिनेत्री प्रियंका चोपडा १४ औँ स्थानमा, ऐश्वर्या राय बच्चन १६ औँ स्थानमा पर्दा सुष्मिता सेन १७ औँ स्थानमा परेकी छिन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्