तल्लो हेंवाबाट उत्पादित २२.३४ मेगावाट बिजुली केन्द्रीय प्रसारणमा लाइनमा थपियो

साउन १६, २०७६ बिहीबार १४:२६:४९ | उपेन्द्र येक्तेन

पाँचथर - तल्लो हेंवा जलविद्युत आयोजनाको काम सकिएसँगै पाँचथरबाट २२.३४ मेगावाट बिजुली केन्द्रीय प्रसारण प्रणालीमा थपिएको छ ।

फिदिम नगरपालिका र हिलिहाङ गाउँपालिकाको सीमा भएर बग्ने हेंवा खोलामा निर्माण गरिएको आयोजनाको काम सकिएसँगै गएको साउन ४ गतेबाट परीक्षण उत्पादन भइरहेको विद्युत केन्द्रीय प्रसारण लाइनमा जोडिएको हो ।

फिदिम–४ मा रहेकाे थापाटारको काबेली करिडोर सब स्टेसनबाट उत्पादन भएको विद्युत केन्द्रीय प्रसारण लाइनमा जोडिएको आयोजनाका निर्देशक दीपेन्द्र आङ्बोले बताउनुभयो । यो जल विद्युत आयोजनाबाट जेठदेखि मंसिर बीचको ६ महिनामा २२.३४ मेगावाट र मंसिर–वैशाख बीचको सुख्खा महिनामा १० देखि १२ मेगावाट विद्युत उत्पादन हुने आयोजनाले जनाएको छ ।

यो आयोजनाबाट प्रतिदिन उत्पादित पाँच लाख ७० हजार युनिट बिजुलीबाट २२ लाख रुपैँयासम्म आम्दानी हुने बताइएको छ । तीन अर्ब ६६ करोड रुपैयाँकाे लगानीमा सक्नेगरी निर्माण थालिएको आयोजनाको लागत ७० करोड नाघेको आयोजना प्रमुख गणेश सुब्बाले बताउनुभयो ।

०७४ असारमा सक्नेगरी २०७० मंसिरबाट निर्माणको थालनी गरिएको आयोजनाको काम नाकाबन्दी, भूकम्प तथा आन्तरिक विवादका कारणा बीचमा रोकिँदै काम हुँदै गर्दा लागत बढ्नुका साथै ढिलोगरी मात्र काम सकिएको बताइएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्