वरुण धवन बने नयाँ पुस्ताका महँगा अभिनेता, ‘स्ट्रीट डान्सर थ्रीडी’ का लागि लिए ३३ करोड

साउन २२, २०७६ बुधबार २०:३५:४३ | उज्यालो सहकर्मी

भारतीय चलचित्र उद्योगमा नयाँ पुस्ताका चर्चित अभिनेता हुन्, वरुण धवन ।

वरुणको अभिनय क्षमताका कारण उनको चलचित्र मन पराउने दर्शकको संख्या पनि बढ्दो क्रममा छ । भारतीय सञ्चारमाध्यमहरुका अनुसार वरुण धवन नयाँ पुस्ताहरुमध्ये सबैभन्दा बढी पारिश्रमिक लिने अभिनेता बनेका छन् ।

वरुण धवनले चलचित्र ‘स्ट्रीट डान्सर थ्रीडी’ का लागि ३३ करोड भारतीय रुपैयाँ पारिश्रमिक लिएको बताइएको छ । जुन रकम बलिउडका नयाँ पुस्ताका अभिनेताहरुले लिइरहेको पारिश्रमिक भन्दा धेरै रकम हो । वरुणलाई निर्माताहरुले चलचित्रमा अनुबन्ध भए बापत ११ करोड रुपैयाँ दिइसकेका छन् । बाँकी रकम चलचित्रको प्राविधिक काम सकिएलगत्तै दिइनेछ ।

चलचित्रमा वरुण धवनका साथै अभिनेत्री श्रद्धा कपूरको मुख्य भूमिका रहनेछ । चलचित्रको निर्देशन रेमो डिसुजाले गरेका छन् । डान्समा आधारित चलचित्रमा वरुणका साथै अभिनेत्री श्रद्धा कपूरले समेत कडा मेहनत गरेकी छिन् । चलचित्रको छायाँकनको क्रममा कैयौं पल्ट कलाकाहरु घाइते तथा बिरामी भएका थिए । यतिसम्म कि छायांकनकै क्रममा वरुण धवन बेहोससमेत भएका थिए ।

खबरहरुका अनुसार चलचित्र ‘स्ट्रीट डान्सर थ्रीडी’ यस अघिको चलचित्र ‘एबीसीडी र एबीसीडी २’ को सिक्वेल हो । वरुण धवन र श्रद्धा कपूरका साथै चलचित्रमा प्रभु देवा तथा नोरा फतेहीको समेत भूमिका रहेको छ ।

यो चलचित्र सन् २०२० को जनवरी २४ मा प्रदर्शन हुनेछ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्