नेपाल लिटरेचर फेस्टिभलको आठौँ संस्करण आउँदो मङ्सिरमा

साउन २७, २०७६ सोमबार ७:१४:५७ | उज्यालो सहकर्मी

काठमाण्डौ - आइएमई नेपाल लिटरेचर फेस्टिभलको आठौँ संस्करण आउँदो मङ्सिरमा गरिने भएको छ । फेस्टिभल आउँदो मंसिर २७ गतेदेखि ३० गतेसम्म पोखरामा आयोजना गरिने आयोजक बुकवर्म फाउन्डेसनले जनाएको छ ।

फेस्टिभलमा अघिल्ला संस्करण जस्तै यस वर्ष पनि एक सयभन्दा बढी स्वदेशी तथा विदेशी लेखक सहभागि हुने र तीन दर्जनभन्दा बढी सेसन चल्ने छ ।

यस पटकको संस्करणमा भारतीय लोकसभाका सांसद एवं लोकप्रिय साहित्यकार डा.शशी थरुर, भारतीय प्रसिद्ध गीतकार एवं कवि जाभेद अख्तर, भारतीय अभिनेत्री शबना आज्मीलगायत चर्चित अन्तर्राष्ट्रिय हस्तीहरूको सहभागिता रहने छ ।

यस पटकको लिटरेचर फेस्टिभलमा दक्षिण एसियाली साहित्यकै सर्वाेत्कृष्ट एवं गरिमामय डिएससी पुरस्कारसमेत प्रदान गरिने भएकाे छ । २५ हजार अमेरिकी डलर (२७ लाख ५० हजार रुपैयाँ) राशिबराबरको यो पुरस्कार वितरण दक्षिण एसियाली समाजको गुणस्तर अभिवृद्धिमा क्रियाशील दक्षिण एसियाली साहित्यिक पुरस्कार गुठीले गएको आठ वर्षदेखि प्रदान गर्दै आइरहेको छ ।

डिएससी पुरस्कारसँगको समन्वय र सहकार्यले लिटरेचर फेस्टिभललाई एक तटस्थ दक्षिण एसियाली मञ्चका रुपमा उभ्याउन मद्दत पु¥याउने आइएमई नेपाल लिटरेचर फेस्टिभलका निर्देशक अजित बरालले विश्वास व्यक्त गर्नुभयो ।

नेपाल साहित्य महोत्सवसँग सहकार्य गर्न पाउँदा आफूहरु उत्साहित भएको दक्षिण एसियाली साहित्य, डिएससी पुरस्कारकी सहसंस्थापक सुरिना नरुलाले बताउनुभयो । यस पटकको लिटरेचर फेस्टिभलमा डिएससी पुरस्कार विजेता पनि घोषणा गरिने छ ।

गएको वर्षको डिएससी पुरस्कार भारतको कोलकातामा टाटा स्टिल कोलकत्ता लिटरअरी मिटमा घोषणा गरिएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्