कुलमानको चमत्कार : प्राधिकरण ७ अर्ब नाफामा, चुहावट १५ प्रतिशतमा झर्‍यो

साउन २८, २०७६ मंगलबार १३:५३:३५ | अर्जुन पोख्रेल

काठमाण्डाै - गएको आर्थिक वर्ष नेपाल विद्युत प्राधिकरणले ७ अर्ब २० करोड रुपैयाँ नाफा गरेको छ । प्राधिकरणले आर्थिक वर्ष २०७४/७५ को तुलनामा आर्थिक वर्ष २०७५/७६ मा १ सय ४९ प्रतिशत बढी नाफा गरेको प्राधिकरणका कार्यकारी निर्देशक कुलमान घिसिङले जानकारी दिनुभयो ।

सिंहदरबारमा भएको पत्रकार सम्मेलनमा कार्यकारी निर्देशक घिसिङले प्राधिकरणले गएको वर्ष ब्याज र रोयल्टी गरी राष्ट्रिय ढुकुटीमा १५ अर्ब ५९ करोड रुपैयाँ जम्मा गर्न सफल भएको बताउनुभयो ।

चुहावट गएको वर्ष १५ दशमलव ३२ प्रतिशतमा झरेको छ । यो चुहावट अघिल्लो वर्षको भन्दा ५ दशमलव १३ प्रतिशत कम हो । यस्तै गएको वर्ष ७ अर्ब ५५ करोड युनिट बिजुली खपत भएकोमा प्राधिकरणको ३४ प्रतिशत, निजी उत्पादकको २९ प्रतिशत र भारतबाट ३७ प्रतिशत आयात भएको छ ।

प्राधिकरणले बिजुली किनेबापत निजी क्षेत्रलाई १४ अर्ब १३ करोड रुपैयाँ र भारतलाई २३ अर्ब ३ करोड रुपैयाँ भुक्तानी गरेको छ । इनर्जी बैंकिङको अवधारणाअनुसार नेपालले भारतमा यो बखार्मा ३२ करोड रुपैयाँ बराबरको बिजुली पठाएको छ ।

यस्तै अहिलेसम्म कुल जनसंख्याको ७८ प्रतिशत अर्थात ४५ लाख नागरिकको घरमा बिजुली पुगेको छ । प्राधिकरणले गएको आर्थिक वर्षमा लामो समयदेखि अलपत्र परेका एउटा उत्पादन, ३ वटा प्रसारण लाइन र ३४ वटा वितरणका आयोजना पनि सम्पन्न भएका जनाएको छ ।

यस्तै देशैभरिका थ्री फेज मिटरलाई टीओडी मिटरले विस्थापनको थालनी भएको र काठमाण्डौ उपत्यकालाई ताररहित बनाउन भूमिगत तार बिछ्याउनको लागि ठेकेदार छनौट भैसकेको प्राधिकरणले जनाएको छ ।

कार्यक्रममा प्राधिकरणका कार्यकारी निर्देशक घिसिङले विद्युतको क्षेत्रमा गत वर्ष धेरै सुधार भएको र अब पछाडि जानु नपर्ने बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन पोख्रेल

उज्यालोमा कार्यरत अर्जुन पोख्रेल आर्थिक विषयमा कलम चलाउनु हुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्