प्रज्ञा–प्रतिष्ठानले ल्यायो ‘बालप्रज्ञा’ : विविध विषय र भाषालाई स्थान

साउन ३२, २०७६ शनिबार ११:१५:३२ | उज्यालो सहकर्मी

काठमाण्डौ – नेपाल प्रज्ञा प्रतिष्ठानले अर्धवार्षिक बाल साहित्यिक पत्रिका ‘बालप्रज्ञा’ प्रकाशन गरेको छ ।

बालसाहित्य तथा लोकवार्ता विभागको संयोजनमा प्रकाशित १२० पृष्ठको रङ्गीन पत्रिका ‘बालप्रज्ञा’ को पहिलो अङ्कमा प्रधानमन्त्री तथा प्रज्ञा–प्रतिष्ठानका प्रमुख संरक्षक केपी शर्मा ओली, प्रज्ञा–प्रतिष्ठानका कुलपति गङ्गाप्रसाद उप्रेती, पूर्वकुलपति वैरागी काइँला र पूर्व उपकुलपति प्रा.डा. वासुदेव त्रिपाठीका प्रेरणामूलक शुभकामना रहेका छन् ।

त्यसैगरी वाङ्मय शताब्दी पुरुषद्वय राष्ट्रकवि माधवप्रसाद घिमिरे र संस्कृतिविद् सत्यमोहन जोशीका रोचक र प्रेरणादायी बाल्यकालीन अनुभूतिहरू समावेश गरिएका छन् ।

पत्रिकामा सबै पुस्ता, सबै विधा, विविध विषय क्षेत्र र विविध भाषालाई स्थान दिइएको छ । बालरुचि र भावनालाई समेट्ने खालका रचनाहरू समावेश गरिएको ‘बालप्रज्ञा’ को प्रधान सम्पादकमा विभागीय प्रमुख प्राज्ञ डा. देवी नेपाल रहनुभएको छ भने सम्पादक समूहमा नवराज रिजाल, गोपीकृष्ण ढुङ्गाना, देवु लुइँटेल र कार्यकारी सम्पादकमा प्रा.डा. ध्रुव घिमिरे हुनुहुन्छ ।

पत्रिकाको मूल्य दुई सय रुपैयाँ रहेको छ । पत्रिका प्रज्ञा–प्रतिष्ठानको बिक्री कक्षमा उपलब्ध छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्