‘युवा वर्ष मोति पुरस्कार’ धनकुटे कान्छा र फूलमान वललाई संयुक्त रुपमा दिइने

भदौ ४, २०७६ बुधबार १७:१७:९ | उज्यालो सहकर्मी

काठमाण्डौ – यस वर्षको ‘युवा वर्ष मोति पुरस्कार’ युवा साहित्यकारद्वय शङ्कर चापागाईं (धनकुटे कान्छा) झापा र फूलमान वल (काभ्रे) लाई संयुक्त रुपमा प्रदान गरिने भएको छ ।

राष्ट्रिय विभूति तथा युवाकवि मोतिराम भट्टको स्मृतिमा विसं २०४२ मा राष्ट्रिय युवा कोषको स्थापना भएको थियो । यो पुरस्कारको राशि ५० हजार रुपैयाँ रहेको छ । युवा साहित्यकारद्वयलाई रकमसहित स्वर्णपदकले सम्मान गरिनेछ ।

पुरस्कार छनोट समितिका अध्यक्ष एवम् वरिष्ठ गीतकार कालीप्रसाद रिजालको अध्यक्षतामा बुधबार बसेको बैठकले उहाँहरूलाई पुरस्कार अर्पण गर्ने निर्णय गरेको हो । आउँदो भदौ १३ गते १५४ औँ मोति जयन्तीका अवसरमा पुरस्कार तथा सम्मान प्रदान गरिने कोषका अध्यक्ष भीमबहादुर अधिकारीले जानकारी दिनुभयो ।

कोषले नेपाली भाषा साहित्यको उत्थान, श्रीवृद्धि तथा युवा कवि मोतिराको विषयमा अध्ययन अनुसन्धान गर्दै आएको छ । हालसम्म यो पुरस्कारबाट ६७ जना स्रष्टा सम्मानित भइसक्नु भएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्