नेपाली फुटबल टिमकाे बिदाइ, मलेसियन लिग च्याम्पियनविरुद्ध सुजलकाे कप्तानी

भदौ ६, २०७६ शुक्रबार १९:२९:३८ | उज्यालो सहकर्मी

काठमाण्डाै - अखिल नेपाल फुटबल संघ (एन्फा)ले नेपाली राष्ट्रिय फुटबल टिमलाई बिदाइ गरेको छ ।

फिफा विश्वकप २०२२ का लागि दोस्रो चरणको छनोटको तयारीमा रहेको नेपाली टिम मलेसियाको सुपर लिग च्याम्प्यिन जोहरासँग खेल्न जाने टिमलाई एन्फामा आयोजित कार्यक्रममा बिदाइ गरिएको हो ।

नेपाली टिम राति १० बजे मलेसिया प्रस्थान गर्ने छ । सुजल श्रेष्ठको कप्तानीमा रहेको नेपाली टिमलाई राष्ट्रिय खेलकुद परिषद् राखेपका कार्यवाहक सदस्य सचिव राजेश गुरुङ र एन्फाका अध्यक्ष कर्माछिरिङ शेर्पाले नेपाली टिमलाई बिदाइ गरको थिए ।

कार्यवाहक सदस्यसचिव गुरुङले सीमित श्रोत र साधनकाबीचमा पनि नेपालले एकै पटक दोस्रो चरण खेल्न पाउनु ठूलो उपलब्धि भएको बताए । उनले नेपाली खेलाडीहरुलाई आफ्नो क्षमताअनुसार खेल्न आग्रह पनि गरे ।

एन्फा अध्यक्ष शेर्पाले नेपाली फुटबल टिम राम्रो हुँदै आइरहेको बताउँदै उचित स्रोत र साधन नभएको कुरा भने उनले स्वीकार गरेका थिए । देशमा ३ वटा अन्तर्राष्ट्रिय स्तरको रंगशाला बनिरहेको र त्यसले नेपाली फुटबलको विकासमा टेवा पुग्ने जिकिर पनि गरेका थिए ।

नेपाली फुटबल समर्थकहरुले धेरै लामो समयदेखि देशको खेल हेर्न नपाएको भन्दै चाँडै नै रंगशाला तयार भएमा विश्वकप छनोटका खेलहरुमा नेपाली दर्शकहरुले रंगशालामा हेर्न पाउने विश्वास पनि व्यक्त गरे । नियमित कप्तान विराज महर्जन टिम बाहिर रहेपछि पहिलो पटक सुजल श्रेष्ठले नेपाली टिमको कप्तानी गर्दैछन् ।

मुख्य प्रशिक्षक योहान कालिनले मलेसियन क्लबविरुद्ध सुजललाई कप्तानकाे जिम्मेवारी दिएकाे बताए । यसपटककाे टिममा नियमित कप्तान विराज महर्जन र उपकप्तान किरण चेम्जोङ टिमबाहिर रहेपछि नयाँ कप्तानका रुपमा सुजलले माैका पाएका हुन् ।

सागकाे उपाधि विजेता कप्तान विराजमा फिटनेसको समस्या देखिएकाे थियाे भने नियमित गाेलकिपर किरण जापानको जे लिग क्लबमा ट्रायलका लागि गएका छन् ।

मलेसिया जाने टिम यस प्रकार छ

गोलकिपर : विकेश कुथु, एलन न्यौपाने, विशाल श्रेष्ठ

डिफेन्डर : सरोज दाहाल, अजित भण्डारी, दिनेश राजवंशी, अनन्त तामाङ, देबेन्द्र तामाङ, रजिन धिमाल, सुमन अर्याल

मिडफिल्डर : सुनिल वल, रवि पासवान, अन्जन विष्ट, सुजल श्रेष्ठ, हेमन गुरुङ, विक्रम लामा, तेज तामाङ, सन्तोष तामाङ,विशाल राई

फरवार्ड : विमल घर्ती मगर, विमल राना, अभिषेक रिजाल, नवयुग श्रेष्ठ

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्