सोलुखुम्बुको तामाखानीमा चार दिनदेखि पासोमा फसेको भालुको उद्धार

भदौ ९, २०७६ सोमबार २०:४१:५९ | सुवास दर्नाल

सोलुखुम्बु – सोलुखुम्बुको सोलु दूधकुण्ड नगरपालिका–३, तामाखानीमा पासोमा फसेको भालुको उद्धार गरिएको छ ।

चार दिनदेखि स्थानीयले थापेको ट्रयापमा फसेको भालु सोमबार राष्ट्रिय प्रकृति कोष चितुवनको वन्यजन्तु प्राविधिक टोलीले उद्धार गरेको हो । शुक्रबार राति पासोमा फसेको भालु सोमबार दिउँसो वन्यजन्तु उद्धार टोलीले सिरिन्जको प्रयोग गरी बेहोस बनाएर उद्धार गरेको डिभिजन वन कार्यलय सोलुखुम्बुले जनाएको छ ।

उद्धार गरिएको भालु अहिले सदरमुकाम सल्लेरीमा राखिएको छ । भालुलाई शंकरनगर वन विहार तथा अनुसन्धान केन्द्र रुपन्देहीमा लगिने प्रमुख जिल्ला अधिकारी वेदनिधि खनालले जानकारी दिनुभयो ।

भालुको पेटमा तारले चोट लागेकाले राष्ट्रिय प्रकृति कोष चितुवनका वन्यजन्तु प्राविधिकहरुको निगरानीमा उपचार गरिने डिभिजन बन कार्यलयका प्रमुख डाक्टर इन्द्रप्रसाद सापकोटाले बताउनुभयो ।

उद्धारका लागि प्रमुख जिल्ला अधिकारी वेदनिधि खनाल, प्रहरी नायब उपरीक्षक नारण चिमोरिया, डिभिजन वन कार्यलयका प्रमुख डा. इन्द्रप्रसाद सापकोटा, सोलु दूधकुण्ड नगरपालिकाका मेयर नाम्गेल जाङबु शेर्पालगायतको टिम तामाखानी पुग्नुभएको थियो ।

प्रमुख जिल्ला अधिकारीसहितको टोली तामाखानी पुगेपछि स्थानीयले भालु आतंकका कारण आफूहरु आजित भएको भन्दै नियन्त्रणको मागसमेत गरेका थिए । भालु हेर्नका लागि जम्मा भएका झण्डै ७ सयभन्दा बढी स्थानीयबासीले भालु नियन्त्रणको माग गर्दै केही बेर अवरोधसमेत सिर्जना गरेका थिए ।

कृषकले लगाएको मकैबाली रातको समयमा आएर भालुले बारीमा नै सखाप पारेपछि स्थानीयले भालुलाई नियन्त्रणमा लिन ट्रयाप थापेको कृषक अमर राजभण्डारीले बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्